Masmur 57:1-11
Man peminpin musik, menurut nada “Ula Hancurken.” Miktam.* Lagu si iban Daud, sanga kiam ia ku gua perban Saul.+
57 O Dibata, mekuah min ateNdu aku,Sebap Kam kap inganku erlindung,+I teruh kabengNdu aku erlindung seh asa keri kesusahenku.+
2 Erlebuh aku man Dibata Si Meganjangna,Man Dibata si benar, si erban bene kesusahenku.
3 BereNa penampat surga nari janah selamatkenNa aku.+
HalangiNa pagi kalak si nyerang aku. (Sela)
Cidahken Dibata pagi kekelengenNa si setia ras kesetianNa.+
4 Kepung singa-singa aku,+Ampar aku janah la ergegeh i tengah-tengah kalak si atena engkernepken aku,Si ipenna bagi tombak ras panah,Dilahna bagi pedang si ntelap.+
5 O Dibata, ipeganjanglah Kam, ganjangen asangken langit,Mbera-mbera kemulianNdu ndemi kerina doni.+
6 Pasang kalak e jerat guna njerat naheku,+Mungkuk aku perban susahna.+
Gali kalak e lubang bas dalanku,Tapi kalak e si ndabuh ku bas.+ (Sela)
7 O Dibata, tetap nge ukurku,+Tetap nge ukurku.
Rende pagi aku janah kumainken musik.
8 O pusuhku, medakkenlah.
Medakkenlah o alat musik si ersenar, kam pe o harpa.*
Kumedaki pagi matawari erpagi-pagi.+
9 O Jahwe, kupuji pagi Kam i tengah bangsa-bangsa.+
Kuendeken pagi pujin* man baNdu i tengah suku-suku bangsa.+
10 Sebap mbelin kap kekelengenNdu si setia, seri ganjangna ras langit,+Janah kesetianNdu seh ku embun.
11 O Dibata, ipeganjanglah Kam, ganjangen asangken langit,Mbera-mbera kemulianNdu ndemi kerina doni.+
Cataten i teruh
^ Harpa eme alat musik si ersenar bagi gitar, tapi bentukna beda.
^ Ntah “Kumainken pagi musik.”
