Masmur 58:1-11
-
Lit kap Dibata si jadi hakim i doni
-
Toto gelah kalak jahat ihukum (6-8)
-
Man peminpin musik, menurut nada “Ula Hancurken.” Miktam.* Lagu si iban Daud.
58 O anak-anak manusia, banci kin kataken kena kebenaren adi sinik saja kena?+
Banci kin kena ngakimi alu benar?+
2 Lang! Kejahaten ngenca si rencanaken kena bas pusuh kena,+Kejahaten ngenca si lakoken kena i belang-belang negri.+
3 Kalak jahat enggo papak lahirna nari,*Kalak jahat enggo ngikutken dalan si salah janah nggit erbual lahirna nari.
4 Erbisa kalak e bagi nipe,+Pasek kalak e bagi nipe kobra si tertutup cupingna.
5 La begina sora tukang mantra,La soal uga hebatna tukang mantra e mbaca mantra.
6 O Dibata, pekpeklah ipen singa-singa e seh ngasa ndarat arah babahna!
O Jahwe, hancurkenlah rahangna!
7 Mbera-mbera keri kalak e bagi lau si maler,Mbera-mbera bengkokken Dibata busur panahNa janah banNa kalak e ndabuh.
8 Mbera-mbera kalak e bagi keong si nandangi kerah sanga ia erdalan,Bagi bayi si mate ope lenga lahir, si la pernah ngidah matawari.
9 Sope igejapken belanga uga lasna ranting-ranting si gara,Bagi angin badai, kabangken Dibata kerina ranting e, la soal si litap ras si enggo gara.+
10 Meriah pagi ukur kalak si benar ngidah pembalasen man kalak jahat,+Litap pagi nahe kalak e alu dareh kalak jahat.+
11 Ning kalak pagi, “Kalak si benar pasti ndatken upah.+
Situhuna, lit kap Dibata si jadi hakim i doni.”+