Masmur 59:1-17
Man peminpin musik, menurut nada “Ula Hancurken.” Lagu si iban Daud. Miktam.* Sanga isuruh Saul kalak ngawasi rumah Daud guna munuh ia.+
59 O Dibataku, selamatken min aku arah musuh-musuhku.+
Lindungi min aku arah kalak si atena ngelawan aku.+
2 Selamatken min aku arah kalak si jahat perbahanenna,Bebasken min aku arah kalak si kejam.
3 O Jahwe, cebuni kalak e guna nyerang aku.+
Kalak si megegeh nyerang aku,Padahal labo aku mberontak ntah pe erdosa.+
4 Amin gia labo lit si salah si kulakoken, meter kalak e kiam janah ersikap nyerang aku.
Kupindo penampatNdu, emaka sampati min aku janah nenlah kai si lakoken kalak e.
5 O Jahwe, Kam kap Dibata kalak Israel. Kam kap penguasa malekat.+
Tedislah Kam, perdiateken kerina bangsa.
Ula mekuah ateNdu man penghianat si jahat.+ (Sela)
6 Reh kalak e tiap berngi.+
Ngereng kalak e bagi biang+ janah ku jah ku je kalak e bas kota.+
7 Begiken min kai si kataken kalak e,Ranan kalak e bagi pedang,+Sebap ning kalak e, “Ise kin si megikenca?”+
8 Tapi o Jahwe, tawa-tawaiNdu pagi kalak e.+
TokohiNdu pagi kerina bangsa.+
9 O Dibata, Kam kap Gegehku. Lalap pagi aku ngarap man baNdu,+Sebap Kam kap inganku erlindung* si aman.+
10 Buktiken Dibata pagi kekelengenNa si setia man bangku janah sampatiNa pagi aku,+Ban Dibata pagi kuidah musuh-musuhku talu.+
11 O Jahwe, ula bunuhNdu kalak e, gelah bangsaku la lupa kerna si e.
Alu kuasaNdu, banlah kalak e mampa-mampa,Kam kap perisai* kami,+ talukenlah kalak e.
12 Pediatlah kalak e ijerat kesombongenna,+Perban erdosa kalak e arah rananna,Perban meriah akap kalak e numpahi ras erbual.
13 Kernepkenlah kalak e alu rawaNdu.+
Kernepkenlah kalak e gelah lanai kalak e lit.
Banlah gelah iteh kalak e maka Kam kap Dibata si erkuasa nandangi Jakup seh ku belang-belang doni.+ (Sela)
14 Pediatlah kalak e reh sanga berngi.
Pediatlah kalak e ngereng bagi biang janah ku jah ku je kalak e bas kota.+
15 Pediatlah kalak e terdaram-daram ndatken si man panganenna,+Ula pediat puas akap kalak e ntah pe datna inganna tading.
16 Tapi aku, rende pagi aku kerna gegehNdu,+Paksa erpagi-pagi, meriah pagi kuakap nceritaken kekelengenNdu si setia.
Sebap Kam kap inganku erlindung si aman+Ras inganku kiam paksa kesusahen.+
17 O Gegehku, kuendeken pagi pujin* man baNdu,+Perban Kam kap inganku erlindung si aman, janah Kam kap Dibata si mbuktiken kekelengen si setia man bangku.+