Masmur 62:1-12
Man peminpin musik, Jedutun.* Lagu si iban Daud.
62 Situhuna, sabar aku nimai Dibata,Arah Ia nari kap keselamatenku.+
2 Ia kap gunung batuku ras si nelamatken aku, inganku erlindung* si aman.+
La pagi aku pernah mugur-ugur ntah pe ndabuh.+
3 Ngasa ndigan serang kena kalak janah bunuh kena?+
Kena kerina erban bahaya* bagi dingding si miring ras dingding batu si nandangi runtuh.
4 Ersada arih kalak e erban kalak ndabuh arah kedudukenna si meganjang,Meriah akap kalak e erbual.
Bas biber ngenca kalak e masu-masu, tapi bas ukurna numpahi.+ (Sela)
5 Pasti sabar aku nimai Dibata,+Perban Ia kap pengarapenku.+
6 Ia kap gunung batuku ras si nelamatken aku, inganku erlindung si aman.
La pagi aku pernah mugur-ugur.+
7 Keselamatenku ras kemulianku lit bas Dibata.
Dibata kap gunung batuku, inganku erlindung.+
8 O kerina bangsa, teklah man Dibata katawari pe,Turiken isi pusuh kena man baNa.+
Dibata kap inganta erlindung.+ (Sela)
9 Manusia bagi sekali erkesah ngenca,Kalak e kerina la terarapken.+
Adi kerina kalak e itimbang, kalak e labo beraten asangken sekali erkesah.+
10 Ula akap kena banci kena berhasil alu nipu,Ntah pe ndatken untung alu ngerampok.
Adi reh bayakna kena, ula andalken kebayaken kena e.+
11 Dua kali enggo kubegi nina Dibata,Bas Dibata nari kap rehna gegeh.+
12 Bage ka pe kekelengen si setia rehna bas Jahwe nari,+Sebap upahi Dibata kap tiap kalak menurut perbahanenna.+