Masmur 63:1-11
Lagu si iban Daud sanga ia bas Taneh Mesawang* Juda.+
63 O Dibata, Kam kap Dibataku, lalap Kam kudarami.+
Tedeh kel ateku ngelayani Kam.+
Menam aku pingsan perban tedehna ateku Kam,Bas taneh si kerah ras gersang, si la lit launa.+
2 Emaka kutatap Kam bas inganNdu si badia.
Kuidah gegehNdu ras kemulianNdu.+
3 Perban kekelengenNdu si setia ergan asangken kegeluhen,+Kupuji pagi Kam.+
4 Kupuji pagi Kam segedang geluhku,Ertoto pagi aku, kulebuh gelarNdu.
5 Puas pagi kuakap perban bereNdu man bangku si mehulina* ras si mejilena.
Meriah pagi ukurku muji Kam.+
6 Sanga aku bas ingan medemku, kuinget Kam,Gedang-gedang berngi kuukuri kerna Kam.+
7 Sebap Kam kap si nampati aku,+Ermeriah ukur pagi aku i teruh bayangen kabengNdu.+
8 Kuikut-ikut Kam ku ja pe Kam lawes,Tan kananNdu terus njemak aku.+
9 Tapi kalak si erusaha munuh aku,Masuk pagi ku lubang kematen.
10 Ibunuh pagi kalak e alu pedang,Kalak e jadi pangan biang kerangen pagi.
11 Tapi ermeriah ukur pagi raja perban kai si lakoken Dibata.
Ermeriah ukur* pagi tiap kalak si ersumpah bas gelar Dibata,Sebap itutup* pagi babah kalak si erbual.
Cataten i teruh
^ Taneh si mbelang si jarang iingani.
^ As. “man bangku bagin si erlemak.”
^ Ntah “Bangga.”
^ Ntah “isompel.”