Masmur 64:1-10
-
Terlindung arah serangen si terbuni
-
“Panah Dibata pagi kalak e” (7)
-
Man peminpin musik. Lagu si iban Daud.
64 O Dibata, begiken min aku perban mbiar kel aku.+
Selamatken min geluhku arah musuh-musuh si kejam.
2 Lindungi min aku arah rencana si iban kalak jahat,+Bage pe arah gerombolen kalak jahat.
3 Petelap kalak e dilahna bagi pedang,Belasken kalak e ranan si kejam bagi anak panah,
4 Guna manah kalak bujur arah ingan si terbuni,Rempet panah kalak e ia alu la mbiar.
5 Siiah-iahen kalak e ngelakoken kai si jahat,Bahas kalak e uga carana muniken jerat si banna.
Ning kalak e, “Labo kari ise pe si ngidahsa.”+
6 Darami kalak e cara si mbaru guna ngelakoken si jahat,Erbuni-buni kalak e erban rencana si licik,+Mesera kel ngangkai perukuren ras pusuh kalak e.
7 Tapi ipanah Dibata pagi kalak e,+Rempet kalak e terluka ban kena anak panah.
8 Ndabuh pagi kalak e perban rencana si ibanna,+Geleng-geleng kepala pagi kerina kalak si ngidahsa.
9 Jenari mbiar pagi kerina kalak,Ceritaken kalak pagi kai si lakoken Dibata,Iteh kalak pagi perbahanenNa.+
10 Ermeriah ukur pagi kalak si benar perban Jahwe bage pe perban erlindung man baNa.+
Ermeriah ukur* pagi kerina kalak si bersih pusuhna.
Cataten i teruh
^ Ntah “Bangga.”
