Masmur 65:1-13
Man peminpin musik. Masmur si iban Daud. Sada lagu.
65 O Dibata, lit si nimai Kam i Sion,+Tepati kami pagi janji kami man baNdu.+
2 O Dibata, Kam kap Si Megiken toto, kerina pagi kalak reh man baNdu.+
3 Mberat kel kuakap kesalahen-kesalahenku,+Tapi ampuniNdu dosa-dosa kami.+
4 Ermeriah ukurlah kalak si pilihNdu ras si babaNdu gelah ndeher,Ku halamen rumahNdu guna tading i je.+
Pasti puas pagi akap kami perban kerina si mehuli si lit i rumahNdu,+Bas rumah pertotonNdu.*+
5 AloiNdu pagi kami alu perbahanen si luar biasa,+O Dibata si nelamatken kami.
Kerina manusia i belang-belang doni,+Bage pe si lit i sebrang laut tek man baNdu.
6 BanNdu* gunung-gunung tetap paguh alu kuasaNdu,Kam* seh kel gegehna.+
7 PetenangNdu* gelombang laut ras ombakna si megegeh,+PetenangNdu bangsa-bangsa si erjengil.+
8 Jengang pagi penduduk arah ingan si ndauh ngidah perbahanenNdu si luar biasa,+Arah timur nari seh ku barat ersurak pagi kalak alu ermeriah ukur.
9 PerdiatekenNdu doni,BanNdu doni jadi subur janah melala hasilna.+
Bas lau maler arah Dibata, dem lau.
SikapkenNdu pangan man manusia,+Bage kap caraNdu nikapken doni.
10 Litap pagi banNdu jalur taneh si enggo ibajak, dungna rata taneh e.
BanNdu pagi megabur taneh e alu udan, pasu-pasuNdu taneh gelah kerina si isuan banci turah.+
11 TambahiNdu pasu-pasu si mehuli bas tahun enda bagi namaken mahkota,Ku japa pe Kam erdalan i je melala si mehuli.+
12 Mbalmbal bas taneh mesawang* reh suburna,+Bukit-bukit dem alu keriahen ukur.+
13 Dem pagi asuh-asuhen bas mbalmbal,Dem pagi gandum bas lembah-lembah.*+
Kerina e ermeriah ukur janahna rende.+
Cataten i teruh
^ Ntah “Bas ingan si badiaNdu.”
^ As. “Ia.”
^ As. “BanNa.”
^ As. “PetenangNa.”
^ Taneh si mbelang si jarang iingani.
^ Ntah “baluren-baluren.”
