Masmur 66:1-20
Man peminpin musik. Sada lagu. Sada masmur.
66 O belang-belang doni, ersuraklah alu ermeriah ukur muji Dibata.+
2 Endekenlah pujin* man gelarNa si mulia,Muliakenlah janah pujilah Ia.+
3 Kataken man Dibata, “Luar biasa kel kerina perbahanenNdu!+
Mbiar pagi musuh-musuhNdu i lebe-lebeNdu,+Perban mbelin kap gegehNdu.
4 Sujud pagi kerina kalak bas doni man baNdu,+Endeken kalak e pagi pujin man baNdu,Endeken kalak e pagi pujin man gelarNdu.”+ (Sela)
5 Mari nenlah kerina perbahanen Dibata,Luar biasa kel kerina si lakokenNa man manusia.+
6 UbahNa laut jadi taneh si kerah,+Erdalan kalak e nyebrangi lau si maler.+
Meriah ukurta bas ingan e perban Ia.+
7 Alu gegehNa, erkuasa Ia seh rasa lalap.+
MataNa terus mperdiateken bangsa-bangsa,+Kalak si mekeng la banci peganjangna bana.+ (Sela)
8 O bangsa-bangsa, pujilah Dibata kami,+Pujilah Ia alu sora si megang.
9 JagaNa kami tetap nggeluh,+La pediatNa nahe kami tertuktuk.+
10 Sebap enggo pereksaNdu kami o Dibata,+MurnikenNdu kami bali bagi pirak si imurniken.
11 BanNdu kami kena jerat,TamaNdu baban si mberat man kami.*
12 PediatNdu kami dedehi kalak,Enggo lewati kami api ras lau,BabaNdu kami ku ingan si aman.
13 Masuk pagi aku ku rumahNdu, kubaba persembahen tutungen,+Kutepati pagi janjiku man baNdu.+
14 Janji si kubelasken+Ras si kukataken sanga aku susah.
15 Kupersembahken pagi man baNdu binatang si mbur jadi persembahen tutungen,Alu asap biri-biri jantan si ikorbanken.
Kupersembahken pagi lembu jantan bage pe kambing jantan. (Sela)
16 O kam kerina si mbiar man Dibata, mari begikenlah,Gelah kuceritaken kerina si enggo lakoken Dibata man bangku.+
17 Kulebuh Ia,Kupuji Ia.
18 Adi lit sura-sura si jahat bas pusuhku,Labo aku begiken Jahwe.+
19 Tapi situhuna begiken Dibata nge aku,+PerdiatekenNa totoku.+
20 Terpujilah Dibata si la nulak totokuRas si la nahan kekelengenNa si setia man bangku.