Masmur 69:1-36
Man peminpin musik. Lagu si iban Daud. Menurut nada “Bunga Lili.”
69 O Dibata, selamatken min aku perban enggo gedap atena aku ban lau.+
2 Gedap aku bas kubang si mbages, la lit taneh inganku tedis.+
Masuk aku ku bas lau si mbages,Mombak aku iban lau si deras.+
3 Latih kuakap serko,+Enggo kerah kalah-kalahku.
Mataku pe enggo latih perban nimai Kam, o Dibataku.+
4 Amin pe la lit sebapna, reh buena kalak si rate segat man bangku,+Buen asangken buk takalku.
Musuh-musuhku si licik* reh buena,Bunuhna atena aku,Paksana aku nyerahken barang-barang si labo kutangko.
5 O Dibata, tehNdu nge uga motuna aku,Dosa-dosaku labo terbuni arah Kam nari.
6 O Jahwe Tuhan Si Meganjangna, penguasa malekat,Mbera-mbera kalak si ngarap man baNdu la ipermelaken perban aku.
O Dibata Israel,Mbera-mbera kalak si ndarami Kam la ihina perban aku.
7 Itokohi aku perban Kam,+Keri kel aku ihina kalak.+
8 Aku enggo bagi kalak asing man senina-seninaku,Bagi kalak asing man anak-anak mamakku.+
9 Semangatku man rumahNdu bagi api si gurlah bas pusuhku.+
Aku si nahanken kata-kata hinan si belasken kalak man baNdu.+
10 Sanga kupeteruk bangku alu erpuasa,*Itokohi aku perban si e.
11 Sanga kupake kain guni,Aku jadi kuan-kuan kalak e.
12 Kalak si kundul bas gerbang kota ncakapken aku,Kalak si mabuk rende-rende kerna aku.
13 O Jahwe, mbera-mbera seh totoku man bandu,Bas waktu si cocok akapNdu.+
O Dibata, mbelin kap kekelengenNdu si setia,Aloi min aku, selamatken min aku.+
14 Selamatken min aku arah kubang nari,Ula pediat aku gedap.
Selamatken min aku arah kalak si rate segat man bangkuBage pe arah lau si mbages.+
15 Ula pediat aku mombak ban lau si deras,+Ntah gedap ban lau si mbages,Ntah pe ibendut lubang* kematen.+
16 O Jahwe, aloi min aku, perban kekelengenNdu si setia e mehuli kap.+
Perdiateken min aku, sebap mbelin kel perkuah ateNdu,+
17 Ula Kam buang muka arah aku nari.+
Meter min aloiNdu aku, sebap sangana aku susah.+
18 Ula min Kam ndauh arah aku nari, selamatken min aku,Tebus min aku arah musuh-musuhku.
19 ItehNdu uga aku itokohi, ihina, ras ipermelaken.+
IdahNdu kap kerina musuhku.
20 Getem pusuhku perban itokohi, lukana la banci ipepalem.*
Kuarapken lit si rate mekuah, tapi la lit,+Kuarapken lit si ngapuli, tapi la lit.+
21 Bere kalak e racun* jadi panganku,+Sanga muas aku, bere kalak e cuka man inemenku.+
22 Mbera-mbera pesta si ban kalak e jadi jerat man kalak e,Janah kebayakenna jadi siding.+
23 Banlah matana gelap gelah la erpengidah,Banlah awakna lalap nggirgir.
24 Amburkenlah rawaNdu man kalak e,Mbera-mbera keri kalak e perban rawaNdu.+
25 Pediatlah kemah-kemahna* lanai terurus,Pediatlah tenda-tendana la lit si ngianisa.+
26 Sebap ayaki kalak e kalak si pekpekNdu,Lalap cakapkenna uga suina akap kalak si ilukaiNdu.
27 Reh buenalah ban kesalahen kalak e,Mbera-mbera ianggapNdu kalak e lanai benar.
28 Pediatlah gelar kalak e ihapus arah buku kegeluhen,+Mbera-mbera gelar kalak e la icatat radu ras gelar kalak si benar.+
29 Tapi susah kuakap, rate mesui aku.+
O Dibata si ngelindungi aku, mbera-mbera kuasaNdu si nelamatken aku.
30 Kuendeken pagi pujin man gelar Dibata,Kumuliaken pagi Ia alu pengatan bujur.
31 Riahen pagi ukur Jahwe ngidah si e asangken ngidah lembu jantan,Lembu jantan si nguda denga, si ertanduk ras si ersilu-silu.+
32 Kalak si meteruk ukur ngidah si e pagi janah meriah ukurna.
O kena si ndarami Dibata, mbera-mbera paguh kena.
33 Sebap begiken Jahwe kalak si mesera,+Labo rendah akapna umatNa si itaban.+
34 Pujilah Dibata o langit ras doni,+Bage pe laut ras kerina isina.
35 Selamatken Dibata pagi Sion,+Ras bangunNa mulihi kota-kota Juda,UmatNa pagi si tading i je ras ndatken negri e.
36 Keturunen umatNa pagi si ndatken negri e,+Kalak si engkelengi gelarNa+ pagi si tading i je.
Cataten i teruh
^ Ntah “Kalak si la lit sebapna musuhina aku.”
^ Ntah banci saja “Sanga ngandung aku janah puasa.”
^ Mungkin maksudna kuburen.
^ Ntah “janah putus asa aku.”
^ Ntah “sinuan-sinuan si lit racunna.”
^ Ntah “kemah-kemahna si erdingding.”