Masmur 7:1-17
-
Jahwe Hakim si adil
-
“O Jahwe, hakimi aku” (8)
-
Lagu ceda ate* si endeken Daud man Jahwe kerna ranan Kus kalak Benyamin.
7 O Jahwe Dibataku, reh aku erlindung man baNdu.+
Selamatkenlah aku arah kerina kalak si nyiksa aku, bebaskenlah aku.+
2 Adi lang, cabik-cabik kalak e pagi aku bagi icabik-cabik singa,+Sarenna pagi aku janah la lit si nelamatken aku.
3 O Jahwe Dibataku, adi lit kin perbahanenku si salah,Adi la kin aku adil,
4 Adi jahat aku man kalak si mehuli man bangku,+Adi ate-ateku njarah musuhku,*
5 Pediatlah musuh-musuhku ngayaki aku janah nangkap aku,Pediatlah perjakina aku seh ngasa mate,Janah kemulianku bene bas abu. (Sela)
6 O Jahwe, tediskenlah, merawa min Kam,Lawan min musuh-musuhku si merawa man bangku,+Sampati aku janah tegakkenlah keadilen.+
7 Pediatlah Kam ikepung bangsa-bangsa,Kamlah si ngelawan kalak e arah ingan si meganjang.
8 O Jahwe, Kam pagi si ngadili bangsa-bangsa.+
O Jahwe, hakimi aku menurut perbahanenku si benarRas menurut kesetianku.+
9 Pengadilah perbahanen kalak jahat.
Tapi sampatilah kalak si benar,+Perban Kam kap Dibata si adil,+ si mereksa pusuh+ ras uga situhuna perasan manusia.+
10 Dibata kap perisaiku,*+ Si Nelamatken kalak si pusuhna benar.+
11 Dibata kap Hakim si adil,+Tiap wari umumkenNa penghakimenNa man kalak jahat.
12 Adi lit si la nggit robah,+ petelapNa pedangNa,+BengkokkenNa busur panahNa janah enggo ersikap guna manah.+
13 SikapkenNa pagi senjata-senjataNa si banci munuh,Enggo gara banNa anak panahNa.+
14 Nenlah kalak si ngerencanaken kejahaten,Rencanakenna masalah janah erbual ia.+
15 Banna lubang si mbages,Tapi ia si ndabuh ku lubang si ibanna e.+
16 Masalah si ibanna mulihken pagi man bana,+Kekerasen si ibanna mulihken pagi man bana.
17 Kupuji pagi Jahwe perban adil kap Ia,+Kuendeken pagi lagu pujin* man gelar Jahwe+ Si Meganjangna.+
Cataten i teruh
^ Ntah “Lagu perngandungen.”
^ Ntah banci saja “Adi ate-ateku mbebasken lawanku.”
^ Ntah “ampang-ampangku.”
^ Ntah “Kuban pagi musik.”