Masmur 72:1-20
Kerna Salomo.
72 O Dibata, ajarken min undang-undangNdu man raja,Bage pe kebenarenNdu man anak raja.+
2 Mbera-mbera belana umatNdu alu benar,Alu adil belana umatNdu si tertindas.+
3 Mbera-mbera baba gunung-gunung kedamen man bangsa e,Mbera-mbera baba bukit-bukit keadilen.
4 Mbera-mbera belana* kalak si lemah i tengah-tengah bangsa e,Mbera-mbera selamatkenna anak kalak si mesera,Janah hancurkenna penipu.+
5 O Dibata, mbiar pagi kalak e man baNdu sedekah matawari ersinar,Sedekah lit bulan i langit,Arah jaman ku jaman.+
6 Raja bali pagi bagi udan si nusur ku mbalmbal,Bagi udan meder si ngelitapi doni.+
7 Bas pemerentahenna, turah* pagi kalak benar bagi dukut si meratah,+Dem pagi kedamen+ sedekah lit denga bulan.
8 Merentah pagi ia arah laut ku laut,Arah Lau Eprat seh ku ujung-ujung doni.+
9 Sujud pagi penduduk gurun pasir man bana,Janah musuh-musuhna italukenna.+
10 Raja-raja arah Tarsis ras arah pulau-pulau nggalari upeti* pagi.+
Raja-raja arah Syeba ras Seba mereken hadiah pagi.+
11 Kerina raja sujud pagi i lebe-lebena,Kerina bangsa pagi ngelayani ia.
12 Sebap selamatkenna pagi kalak mesera si mindo penampat,Bage pe kalak si lemah ras si la lit nampatisa.
13 Mekuah pagi atena kalak si lemah ras si mesera,Selamatkenna pagi kalak si mesera.
14 Tebusna pagi kalak e arah penindasen ras kejahaten nari,Merga kapna kesah* kalak e.
15 Mbera-mbera gedang umurna janah ibereken man bana emas arah Syeba.+
Mbera-mbera terus ia itotoken,Mbera-mbera terus ia ipasu-pasu gedang-gedang wari.
16 Melala kel pagi pangan* i belang-belang doni,+I puncak pegunungen pe seh kel lalana.
Buahna bali pagi bagi si lit bas kerangen Libanon,+Kalak si lit i kota reh teremna pagi bagi dukut i doni.+
17 Mbera-mbera gelarna tetap lit,+Bagi matawari tetap lit.
Mbera-mbera kerina bangsa ndatken pasu-pasu arah ia,+Mbera-mbera kerina bangsa ngataken maka ia ermeriah ukur.
18 Terpujilah Dibata Jahwe, Dibata Israel,+Ia saja ngenca si ngelakoken perbahanen si luar biasa.+
19 Terpujilah gelarNa si mulia seh rasa lalap,+Mbera-mbera dem kemulianNa i belang–belang doni.+
Amin! Amin!
20 Enda me pendungi toto Daud anak Isai.+
