Masmur 73:1-28
Lagu si iban Asap.+
73 Mehuli kel Dibata man Israel, man kalak si bersih pusuhna.+
2 Tapi naheku menam la ngikutken dalan si benar,Menam aku celus.+
3 Cian ateku kalak si sombong* ras kalak jahat,Sanga kuidah dame pergeluh kalak e.+
4 Sehat kalak e,+La ia suin sanga mate.
5 La kalak e kena masalah bagi manusia si deban,+La kalak e susah bagi kalak si deban.+
6 E me sebapna kesombongen bagi kalung man kalak e,+Kejahaten bagi baju man kalak e.
7 Mata kalak e reh kitikna perban lemak bas ayona,Kesuksesen kalak e lebihen asa si arapkenna bas pusuhna.
8 Nokoh kalak e janah katakenna kai si jahat.+
Sombong kalak e janah tindasna kalak.+
9 Ranan kalak e bagi langit ganjangna,Ate-ate kalak e ngerana i doni.
10 Umat Dibata pe erpihak man kalak e,Inemna lau kalak e si seh kel buena.
11 Nina kalak e, “Banci kin teh Dibata?+
Tuhu kin teh Dibata Si Meganjangna kai si terjadi?”
12 Payo, bage me kalak jahat, entabeh lalap pergeluhna.+
Kebayakenna terus reh buena.+
13 Sia-sia saja tetap kujaga pusuhku bersih,Sia-sia saja kukataken aku la ersalah.+
14 Susah kuakap gedang-gedang wari,+Tiap erpagi-pagi aku ipersingeti.+
15 Tapi adi kukataken kerna si e,Enggo kuhianati umatNdu.
16 Sanga kucubaken ngangkaisa,Stres aku.
17 Tapi sanga aku masuk ku ingan si badiaNdu si mulia,Dungna kuangka kai pagi si terjadi man kalak jahat.
18 Situhuna, tamakenNdu kalak e bas taneh si medalit.+
BanNdu kalak e ndabuh janah kernep.+
19 Rempet kalak e hancur!+
Rempet kalak e kernep janah seh kel ngerina!
20 O Jahwe, kalak e bagi nipi si bene kenca medak,Sanga tedis Kam, lupakenNdu* kalak e.
21 Tapi sanga si e, susah kuakap,+Pusuhku seh kel suina.
22 La aku banci rukur janah la kuangka,Aku bagi binatang si la rukur i lebe-lebeNdu.
23 Tapi gundari lalap aku i deherNdu,JemakNdu tan kananku.+
24 Tegu-teguNdu aku alu nasehatNdu,+Dungna, jadi ateNdu aku.+
25 La lit kuakap si pentingen asangken Kam i surga.
Sanga aku ras Kam, lanai aku perlu kai pe bas doni.+
26 Dagingku ras pusuhku banci jadi lemah,Tapi pegegehi Dibata pusuhku, Ia kap gunung batuku ras baginku seh rasa lalap.+
27 Kalak si ndauh arah Kam pasti pagi kernep.
Pasti pagi kernepkenNdu* kalak si la setia man baNdu.+
28 Tapi aku, erguna kel kuakap reh deherna ras Dibata.+
Enggo kuban Jahwe Tuhan Si Meganjangna jadi perlindungenku,Guna mberitaken kerina perbahanenNdu.+
