Masmur 78:1-72
Maskil.* Lagu si iban Asap.+
78 O bangsaku, begikenlah undang-undangku,*Perdiatekenlah kata-kataku.
2 Kukataken pagi kuan-kuanen.
Kukataken pagi teka-teki arah jaman si mbarenda.+
3 Kerna kai si begi kami ras si teh kami,Si ceritaken nini bulang kami man kami,+
4 Labo pagi buniken kami arah keturunen kalak e,Ceritaken kami pagi man keturunen si nandangi reh,+Kerna perbahanen Jahwe si patut ipuji bage pe kerna gegehNa,+Kerna perbahanenNa si luar biasa.+
5 BerekenNa sada penginget man JakupRas undang-undang man Israel.
PerentahkenNa nini bulangtaGuna nceritaken kerna si e man anak-anak kalak e.+
6 Gelah keturunen seterusna,Anak-anak si nandangi lahir banci meteh kerna si e.+
Jenari ceritakenna ka man anak-anakna.+
7 Alu bage tek pagi anak-anak kalak e man Dibata,La lupaken kalak e perbahanen Dibata,+Tapi patuhina pagi perentah-perentahNa.+
8 Alu bage kalak e la pagi bagi nini bulangna,Eme keturunen si keras kepala ras lalap mberontak,+Keturunen si la tetap ukurna,+La setia man Dibata.
9 Kalak Eperaim senjatana panah,Tapi mundur kalak e bas wari peperangen.
10 Kalak e la setia nandangi perjanjin ras Dibata,+La patuhi kalak e undang-undangNa.+
11 Lupaken kalak e ka kai si enggo lakokenNa,+Eme perbahanenNa si luar biasa si cidahkenNa man kalak e.+
12 LakokenNa kai si luar biasa i lebe-lebe nini bulang kalak e,+Bas taneh Mesir, i daerah Soan.+
13 BelahNa laut gelah banci kalak e nyebrang,BanNa lau tedis bagi tembok.+
14 Sanga ciger wari babaiNa kalak e alu embun,Gedang-gedang berngi babaiNa kalak e alu terang api.+
15 BelahNa gunung batu bas taneh mesawang,*BereNa kalak e minem seh ngasa puas bagi minem arah lau si mbages.+
16 BanNa ndarat lau arah tebing batu,BanNa lau e bagi lau maler.+
17 Tapi terus kalak e erdosa man Dibata Si MeganjangnaAlu mberontak man baNa i taneh mesawang.*+
18 Tentang* kalak e Dibata bas pusuhna,+Alu mindo pangan si merhat kel kalak e.
19 Emaka lawan kalak e Dibata alu ngataken,“Ngasup kin Dibata nikapken pangan i taneh mesawang?”*+
20 Nenlah! PekpekNa sada batu,Emaka ndarat lau, deras lau e maler.+
Tapi nungkun kalak e, nina, “Ngasup kin Ia nikapken pangan man banta,Ngasup kin Ia mereken daging man umatNa?”+
21 Megi si e, merawa Jahwe,+SerangNa Jakup alu api,+Gara rawaNa man Israel+
22 Perban la kalak e tek man Dibata,+La kalak e tek maka ngasup Dibata nelamatken kalak e.
23 Emaka perentahkenNa embun i langit,BukaNa pintu-pintu langit.
24 Terus penusurNa udan manna jadi pangan kalak e,BerekenNa man kalak e biji-bijin* arah langit nari.+
25 Pan manusia pangan arah malekat,*+BerekenNa kalak e man seh ngasa besur.+
26 Alu kuasaNa banNa rembus angin timur i langit,Angin selatan pe banNa rembus.+
27 PenusurNa daging man kalak e bagi udan abu,Eme perik-perik si buena bagi kersik i pantai.
28 Kerina e dabuhkenNa i tengah-tengah perkemahen kalak e,I sekeliling kemahNa.
29 Man kalak e janah besur kel kalak e,Kai pe kalak e merhat, berekenNa.+
30 Tapi sope kalak e puas,Sanga lit denga pangan bas babah kalak e,
31 Merawa Dibata man kalak e.+
BunuhNa kalak si megegehna si lit i tengah-tengah kalak e,+BunuhNa anak perana kalak Israel.
32 Amin pe bage, lalap denga kalak e erdosa,+La kalak e tek man perbahanen Dibata si luar biasa.+
33 Emaka geluh kalak e bagi sekali erkesah ngenca,+BunuhNa kalak e alu bencana si rempet terjadi.
34 Tapi kenca bunuh Dibata piga-piga arah kalak e, darami kalak e Ia,+Mulihken kalak e ndarami Dibata.
35 Inget kalak e ka maka Dibata kap Gunung Batu kalak e,+Dibata Si Meganjangna kap Penebus kalak e.+
36 Tapi cubaken kalak e nipu Dibata alu rananna,Buali kalak e Dibata alu rananna.
37 La tetap ukur kalak e man Dibata,+La kalak e setia man perjanjinNa.+
38 Tapi mekuah ate Dibata,+AmpuniNa kesalahen kalak e janah la kernepkenNa.+
Rusur tahan Dibata rawaNa,+La pesehNa rawaNa e.
39 Sebap ingetNa maka manusia ngenca kalak e,+Bagi angin si rembus janah lanai mulihken.*
40 Rusur kel kalak e mberontak man baNa i taneh mesawang*+Sakit hati ban kalak e Ia bas gurun pasir!+
41 Mulih-ulih kalak e nguji Dibata,+Sakiti kalak e Dibata Israel Si Badia.
42 La inget kalak e uga kuasaNa,Sanga bebaskenNa* kalak e arah musuh-musuh nari,+
43 Sanga banNa tanda-tanda i Mesir+Bage pe mukjizat-mukjizat i daerah Soan,
44 Sanga ubahNa aliren-aliren Lau Nil jadi dareh,+Kalak Mesir la banci minem arah launa nari.
45 BanNa reh laneng si seh kel buena guna mangani kalak e,+Bage pe katak-katak guna engkernepken kalak e.+
46 BereNa hasil panen kalak e man labang si rangap,Ras hasil kerja keras kalak e man kelompok labang si nyerbu.+
47 HancurkenNa batang anggur kalak e alu udan es+Ras batang ara kalak e alu udan batu.
48 PenusurNa udan es ku binatang-binatang kalak e,+BanNa asuh-asuhen kalak e kena kilap.*
49 Gara rawaNa man kalak e,BanNa kalak e susah janah nggejapken pernembeh ateNa,KirimNa pasuken malekat si erban bencana.
50 La tahanNa rawaNa.
La pediatNa kalak e pulah arah kematen,KernepkenNa kalak e alu wabah penakit.
51 Dungna bunuhNa kerina anak sintua i Mesir,+Anak-anak kalak e si pertama i kemah-kemah Ham.
52 Kenca si e babaNa umatNa bagi rarasen biri-biri,+Tegu-teguNa kalak e bagi rarasen asuh-asuhen i taneh mesawang.*
53 BabaNa kalak e ku ingan si aman,La kalak e mbiar,+Musuh-musuh kalak e gedap ban laut.+
54 BabaNa kalak e ku daerahNa si badia,+TalukenNa daerah pegunungen e alu gegehNa.+
55 PelawesNa bangsa-bangsa arah lebe-lebe kalak e,+BagikenNa warisen man kalak e alu nali pengukur,+BanNa suku-suku Israel tading bas rumahna.+
56 Tapi lalap uji kalak e Dibata Si Meganjangna, mberontak kalak e man baNa,+La perdiateken kalak e penginget-pengingetNa.+
57 Tadingken kalak e Ia janah hianatina Ia bagi si lakoken nini bulangna.+
Kalak e la banci iandalken bagi busur panah si kendor.+
58 Lalap ban kalak e Ia merawa alu ingan-ingan ersembah kalak e,+Pancing kalak e rawaNa* alu patung-patung berhala kalak e.+
59 Begi Dibata kerna si e jenari merawa Ia,+Emaka tuhu-tuhu tulakNa kalak Israel.
60 Dungna tadingkenNa kemah ingan ersembah guna Ia i Silo,+Kemah si jadi inganNa tading i tengah-tengah manusia.+
61 PediatNa tanda gegehNa ibuat musuh,Bage pe tanda kemulianNa irebut lawan.+
62 PediatNa umatNa ibunuh alu pedang,+Merawa Ia man umatNa.
63 Anak peranaNa itutung bas api,La lit lagu perjabun man singuda-ngudaNa.
64 Imam-imamNa mate perban pedang,+Janda-janda kalak e la tangis.+
65 Kenca si e tedis Jahwe tempa-tempa e denga medak,+Bagi dilaki si megegeh+ si sadar arah mabuk perban anggur.
66 SerangNa musuh-musuhNa,+BanNa kalak e mela seh rasa lalap.
67 TulakNa kemah Jusup,La pilihNa suku Eperaim.
68 Tapi pilihNa suku Juda,+Gunung Sion si keleng ateNa.+
69 BanNa inganNa si badia tetap lit i langit,+Bagi doni si banNa gelah lit seh rasa lalap.+
70 PilihNa Daud+ eme pelayanNa,BuatNa ia arah kandang biri-biri,+
71 Arah inganna ngurus biri-biri si ranak kitik.
BanNa ia jadi permakan man Jakup umatNa+Bage pe man kalak Israel, eme warisenNa.+
72 Permakanina kalak e alu bulat ukur,+Tegu-teguna alu mehuli.+
Cataten i teruh
^ Ntah “petunjukku.”
^ Taneh si mbelang si jarang iingani.
^ Taneh si mbelang si jarang iingani.
^ As. “Uji.”
^ Taneh si mbelang si jarang iingani.
^ As. “mahluk-mahluk si megegeh.”
^ Ntah banci saja “Kesah kalak e bene janah lanai mulih.”
^ Taneh si mbelang si jarang iingani.
^ As. “tebusNa.”
^ Ntah banci saja “kena demam tinggi.”
^ Taneh si mbelang si jarang iingani.
^ Ntah “Ban kalak e Ia cemburu.”
