Masmur 80:1-19
Man peminpin musik, menurut nada “Bunga Lili.” Sada peringet-ingeten. Lagu si iban Asap.+ Sada masmur.
80 O Permakan Israel, begiken min kami.
Kam kap si minpin Jusup bagi rarasen biri-biri.+
Kam kap si kundul i tahtaNdu i datas* kerubim-kerubim,+Cidahkenlah sinarNdu.
2 I lebe-lebe Eperaim, Benyamin, ras Manase,Cidahkenlah gegehNdu,+Rehlah Kam, selamatken min kami.+
3 O Dibata, aloken min kami mulihi,+Mbera-mbera jadi ateNdu kami gelah banci kami selamat.+
4 O Jahwe Dibata penguasa malekat, ngasa ndigan Kam merawa sanga ertoto umatNdu man baNdu?+
5 BanNdu ipan kalak e iluh bagi man roti,BanNdu inem kalak e melala kel iluh.
6 PediatNdu bangsa-bangsa i sekeliling kami rubati guna naluken kami,Ate-ate musuh nokohi kami.+
7 O Dibata penguasa malekat, aloken min kami mulihi,Mbera-mbera jadi ateNdu kami gelah banci kami selamat.+
8 PedaratNdu umatNdu arah Mesir bagi batang anggur.+
PelawesNdu bangsa-bangsa janah suanNdu batang anggur e.+
9 KosongkenNdu taneh man batang anggur e,Rurat ia jenari demina negri e.+
10 Bayangenna nutupi gunung-gunung,Dahan-dahanna nutupi batang-batang ara si isuan Dibata.
11 Dahan-dahanna njoler seh ku laut,Tunas-tunasna seh ku Lau Eprat.+
12 Engkai maka runtuhkenNdu dingding batu kebun anggur e,+Si erban buahna banci putikken kerina kalak si lewat?+
13 Cedai wili* kebun anggur e,Ipangani binatang liar i juma.+
14 O Dibata penguasa malekat, mulihlah Kam.
Arah surga nari, nenlah ku teruh!
Uruslah batang anggur e,+
15 Batang* si isuanNdu alu tan kananNdu,+Nenlah anak* si banNdu jadi megegeh guna kemulianNdu.+
16 Itutung ia,+ ipenggelken.
Masap kalak e perban rawaNdu.
17 Mbera-mbera dukungNdu kalak si lit i sebelah kananNdu,Eme anak manusia si banNdu megegeh guna kemulianNdu.+
18 Emaka labo pagi kami nilah arah Kam nari.
Jagalah kami gelah tetap nggeluh, gelah banci kami erlebuh man gelarNdu.
19 O Jahwe Dibata penguasa malekat, aloken min kami mulihi,Mbera-mbera jadi ateNdu kami gelah banci kami selamat.+
Cataten i teruh
^ Ntah banci saja “i antara.”
^ Ntah “babi hutan.”
^ Ntah “Dahan utama batang anggur.”
^ Ntah “dahan.”
