Masmur 81:1-16
Man peminpin musik, menurut Gitit.* Lagu si iban Asap.+
81 Ersuraklah muji Dibata, Ia kap gegehta.+
Ersuraklah muji Dibata Jakup.
2 Mainkenlah musik janah buatlah rebana,Harpa* radu ras alat musik si ersenar.
3 Embuslah trompet tanduk sanga bulan baru,+Eme bas bulan purnama, guna perayanta.+
4 Sebap e me undang-undang man Israel,Peraturen Dibata Jakup.+
5 IbanNa e jadi persinget man Jusup+Sanga lawes Ia ngelawan Mesir.+
Kubegi sora* si la kutandai,
6 “Kuangkat baban arah barana nari,+Kubuat baban arah tanna nari.*
7 Sanga susah kam, erlebuh kam man bangKu janah Kuselamatken kam.+
Kujawap kam arah embun lenggur nari.*+
Kuuji kam i Mata Lau Meriba.*+ (Sela)
8 O umatKu, ersaksi pagi Aku ngelawan kena.
O Israel, bicara nggit min ndai kena megiken Aku,+
9 Lanai pagi lit dibata asing i tengah-tengah kena,Janah lanai pagi kena sujud man dibata si deban.+
10 Aku kap Jahwe Dibatandu,Si maba kam ndarat arah taneh Mesir nari.+
Pengangalah babahndu janah Kubere pagi kam man seh asa besur.+
11 Tapi la begiken umatKu soraKu,Israel la nggit patuh man bangKu.+
12 Emaka Kupediat ikutken kalak e pusuhna si mekeng,Ilakoken kalak e kai si akapna benar.+
13 Bicara nggit umatKu megiken Aku,+Bicara nggit Israel erdalan bas dalan-dalanKu,+
14 Mis pagi Kutaluken musuh-musuh kalak e,Janah Kuserang pagi lawan kalak e.+
15 Kalak si rate segat man Jahwe nggirgir pagi i lebe-lebeNa,Janah hukumen kalak e seh rasa lalap.
16 Tapi bereNa pagi ipanndu* gandum si mejilena,+Janah ibanNa pagi kam besur alu madu arah gunung batu.”+
Cataten i teruh
^ Harpa eme alat musik si ersenar bagi gitar, tapi bentukna beda.
^ Ntah “bahasa.”
^ Ntah “Tanna bebas arah keranjang nari.”
^ Ertina “Ersoal; Sijawapen.”
^ As. “arah ingan lenggur cebuni.”
^ Maksudna, umat Dibata.
