Masmur 83:1-18
Sada lagu. Lagu si iban Asap.+
83 O Dibata, ula Kam sinik saja,+O Dibata Si Madakuasa, ngerana min Kam, ula Kam kem saja.
2 Sebap nenlah! Musuh-musuhNdu erban kerusuhen,+Sombong perbahanen kalak si rate segat man baNdu.
3 Erbuni-buni kalak e erban rencana ngelawan umatNdu,Sekongkol kalak e ngelawan kalak si merga akapNdu.
4 Nina kalak e, “Ota sikernepken bangsa e,+Gelah gelar bangsa Israel lanai inget kalak.”
5 Ersada arih kalak e erban rencana,Ersekongkol kalak e* ngelawan Kam.+
6 Kalak e eme kalak Edom, kalak Ismael, kalak Moap,+ ras kalak Hagri.+
7 Kalak Gebal, kalak Ammon,+ kalak Amalek,Kalak Pilistia,+ bage pe penduduk Tirus.+
8 Kalak Assur+ pe ikut ras kalak e,Dukung kalak e anak-anak Lut.+ (Sela)
9 Banlah man kalak e bagi si ibanNdu man Midian,+Bage pe man Sisera ras Jabin sanga bas Lau* Kison.+
10 Kalak e ikernepken i Endor,+Kalak e jadi pupuk i taneh.
11 Banlah bangsawan kalak e bagi Oreb ras Seeb,+Janah peminpin kalak e bagi Sebah ras Salmuna,+
12 Sebap nina kalak e, “Ota sirebut negri ingan tading Dibata.”
13 O Dibataku, banlah kalak e bagi bola peren si kerah si megulang,+Bagi segal* si embusken angin.
14 Bagi api si nutung kerangen,Bagi api si gara si erban gunung-gunung meseng,+
15 Ayaki min kalak e alu badaiNdu+Janah banlah kalak e mbiar perban angin topanNdu.+
16 Permelakenlah kalak e,Gelah darami kalak e Kam, o Jahwe.
17 Mbera-mbera kalak e ipermelaken janah mbiar seh rasa lalap,Mbera-mbera kalak e ihina janah ikernepken,
18 Alu bage teh kalak maka Kam, si ergelar Jahwe,+Kam ngenca Si Meganjangna i belang-belang doni.+
