Masmur 84:1-12
Man peminpin musik. Kerna Gitit.* Lagu si iban keturunen Korah.+ Sada lagu.
84 O Jahwe penguasa malekat,Keleng kel ateku kemahNdu si mulia eme kemah ingan ersembah man baNdu!+
2 Tedeh kel ateku,Bene semangatku perban tedehnaNandangi halamen rumah Jahwe.+
Pusuhku ras dagingku ersurak ermeriah ukur man Dibata si nggeluh.
3 O Jahwe penguasa malekat, Rajaku ras Dibataku!
I deher ingan nutung* persembahenNdu si mulia,Perik-perik tading i je,Janah perik layang-layang rasar i je,Pebelinna anak-anakna i je.
4 Ermeriah ukur kap kalak si tading bas rumahNdu!+
Terus ipuji kalak e Kam.+ (Sela)
5 Ermeriah ukur kap kalak si ndatken gegeh arah Kam nari,+Si merhat ia lit bas dalan-dalan ku rumahNdu.
6 Sanga lewat kalak e bas Lembah Baka,*Anggap kalak e ingan e dem mata lau,Janah ingan e itutupi udan si pertama alu pasu-pasu.
7 Reh dekahna kalak e erdalan, reh gegehna kalak e,+Kerina kalak e ngadap ku Dibata i Sion.
8 O Dibata Jahwe, Dibata penguasa malekat, begiken min totoku,O Dibata Jakup, begiken min aku. (Sela)
9 O Dibata kami ras perisai* kami,+ nenlah,*Tataplah ayo kalak si lantikNdu.+
10 Padin kuakap sada wari i halamen rumahNdu asangken seribu wari bas ingan si deban!+
Padin kuakap tedis bas pintu rumah DibatakuAsangken tading bas kemah kalak jahat.
11 Dibata Jahwe bagi matawari+ ras perisai,+BerekenNa perkuah ate ras kemulian.
La pernah tahan Jahwe kai si mehuliArah kalak si bujur* perbahanenna.+
12 O Jahwe penguasa malekat,Ermeriah ukur kap kalak si tek man baNdu.+
Cataten i teruh
^ Kata Baka iterjemahken arah bahasa Heber. La iteh uga situhuna bentukna.
^ Ntah “ampang-ampang.”
^ Ntah banci saja “O Dibata, nenlah perisai kami.”
^ Ntah “benar.”