Masmur 85:1-13
Man peminpin musik. Lagu si iban Korah.+ Sada lagu.
85 O Jahwe, jadi ateNdu man tanehNdu,+Enggo babaNdu mulihi keturunen Jakup si enggo itaban.+
2 AmpuniNdu kesalahen umatNdu,AmpuniNdu kerina dosa kalak e.+ (Sela)
3 Enggo tahanNdu rawaNdu si gara,+Lanai ateNdu ngilas.
4 O Dibata, Kam kap si nelamatken kami,Ula nai segat ateNdu kami.+
5 Merawa nge Kam man kami seh rasa lalap?+
Lalap nge Kam merawa arah jaman ku jaman?
6 Pegegehilah kami sekali nariGelah ermeriah ukur umatNdu perban Kam.+
7 O Jahwe, cidahkenlah kekelengenNdu si setia man kami,+Janah selamatken min kami.
8 Kubegiken pagi kai si kataken Jahwe Dibata si benar,Sebap katakenNa kerna dame man umatNa+ si setia,Tapi ula min pediat kalak e teksa bagi si mbarenda.+
9 Situhuna enggo ersikap Ia nelamatken kalak si mbiar man baNa,+Alu bage kemulianNa tading i negrita.
10 Jumpa pagi kekelengen si setia ras kesetian,Ras-ras pagi erdalan keadilen ras kedamen.+
11 Ertunas pagi kesetian i doni,Janah ersinar pagi keadilen arah langit nari.+
12 Bereken Jahwe pagi kai si mehuli,*+Janah tanehta mereken hasil pagi.+
13 Erdalan pagi keadilen i lebe-lebeNa,+Janah sikapken keadilen e dalan man naheNa.
Cataten i teruh
^ Ntah “pagi kebayaken.”
