Masmur 86:1-17
Toto Daud.
86 O Jahwe, begiken min aku janah jawap min totoku,Perban susah janah mesera kuakap.+
2 Jaga min geluhku sebap aku setia.+
Selamatken min pelayanNdu enda si tek man baNdu,Sebap Kam kap Dibataku.+
3 O Jahwe, mekuah min ateNdu aku,+Sebap gedang-gedang wari erlebuh aku man baNdu.+
4 O Jahwe, ban min pelayanNdu enda ermeriah ukur,Sebap man baNdu kubereken geluhku.
5 O Jahwe, mehuli kap Kam+ janah nggit ngampuni,+Mbelin kel kekelengenNdu si setia man kalak si erlebuh man baNdu.+
6 O Jahwe, begiken min totoku,Janah perdiatekenlah soraku mindo penampat.+
7 Erlebuh aku man baNdu bas wari kesusahenku,+Sebap pasti aloiNdu aku.+
8 O Jahwe, la lit dibata si bagi Kam,+La lit si banci ngelakoken bagi si lakokenNdu.+
9 O Jahwe, kerina bangsa si ciptakenNdu,Reh pagi janah sujud i lebe-lebeNdu,+Muliaken kalak e pagi gelarNdu.+
10 Sebap Kam erkuasa janah lakokenNdu kai si luar biasa,+Kam kap ngenca Dibata.+
11 O Jahwe, ajari min aku kerna dalanNdu.+
Erdalan pagi aku bas dalanNdu si benar.+
Pebulat min ukurku gelah mbiar man gelarNdu.+
12 O Jahwe Dibataku, kupuji Kam alu bulat ukur,+Janah kumuliaken gelarNdu seh rasa lalap,
13 Sebap seh kel belinna kekelengenNdu si setia man bangku,Janah selamatkenNdu geluhku arah Kuburen* si mbages.+
14 O Dibata, kalak si sombong reh ngelawan aku,+Bunuh gerombolen kalak si kejam atena aku,Janah la ergai kalak e Kam.+
15 Tapi o Jahwe, Kam Dibata si perkuah, si mehuli,La nukah merawa, janah dem alu kekelengen si setia ras kebenaren.+
16 Perdiateken min aku janah mekuah min ateNdu aku.+
Bereken min gegehNdu man pelayanNdu enda,+Janah selamatken min aku, anak budakNdu si diberu.
17 Buktikenlah kiniulinNdu man bangku,Gelah kalak si rate segat man bangku ngidah si e janah mela akapna.
Sebap Kam kap si nelamatken ras ngapuli aku, o Jahwe.
