Masmur 88:1-18
Lagu si iban keturunen Korah.+ Sada lagu. Man peminpin musik. Menurut nada Mahalat,* janah sialo-alon sanga ngendekenca. Maskil* arah Heman+ kalak Esrahi.
88 O Jahwe Dibata si nelamatken aku,+Erlebuh aku man baNdu sanga ciger,Janah reh aku ku lebe-lebeNdu sanga berngi.+
2 Mbera-mbera seh totoku man baNdu,+Mungkuk min Kam janah begiken soraku mindo penampat.+
3 Enggo besur aku ngenanami kiniseran,+Geluhku enggo ndeher ku Kuburen.*+
4 Aku termasuk bas kalak si nandangi masuk ku kuburen,+Aku bagi kalak si la ergegeh,+
5 Itadingken i tengah-tengah kalak mate,Bagi mayat si ampar i kuburen,Si lanai ingetNduJanah lanai perdiatekenNdu.
6 TamaNdu aku ku lubang si mbagesna,Ku ingan si gelap i embang si seh kel bagesna.
7 Dehken rawaNdu aku,+Janah entam ombakNdu aku. (Sela)
8 PedauhNdu teman-temanku arah aku nari,+BanNdu gelah ciga ate kalak e man bangku.
JeratNdu aku janah lanai aku banci pulah.
9 Latih mataku perban kesusahenku.+
O Jahwe, gedang-gedang wari erlebuh aku man baNdu,+Kuangkat tanku ertoto man baNdu.
10 LakokenNdu kin kai si luar biasa man kalak mate?
Banci kin kalak mate si la ergegeh keke muji Kam?+ (Sela)
11 Iceritaken kin kekelengenNdu si setia bas kuburen?
Iceritaken kin kesetianNdu bas ingan pengkernepen?*
12 Banci kin iteh kerna perbahanenNdu si luar biasa bas kegelapen?
Ntah pe kerna keadilenNdu bas negri si ilupaken?+
13 Tapi terus aku mindo penampat man baNdu o Jahwe,+Tiap erpagi-pagi totoku seh man baNdu.+
14 O Jahwe, engkai maka tulakNdu aku?+
Engkai maka buang muka Kam man bangku?+
15 Mulai kitik-kitikku nari,Enggo melala kesusahen si pediatNdu kunanami,+Emaka lanai aku ergegeh janah mate atena.
16 RawaNdu si gara nutung aku,+Kebiaren arah Kam nari erban aku hancur.
17 Gedang-gedang wari ikelilingina aku bali bagi lau,Kepungna aku arah kerina arah.
18 Temanku ras teman kompakku, pedauhNdu arah aku nari,+Dungna kegelapen si jadi temanku.
