Masmur 89:1-52
Maskil.* Lagu si iban Etan+ kalak Esrahi.
89 Rende pagi aku kerna kekelengen si setia arah Jahwe seh rasa lalap.
Kuceritaken pagi kesetianNdu man kerina keturunen.
2 Sebap ningku, “Kekelengen si setia ertahan seh rasa lalap,+Janah banNdu kesetianNdu paguh i langit.”
3 Nindu, “Enggo Kuban perjanjin ras kalak si Kupilih,+Enggo ersumpah Aku man pelayanKu Daud,+ ningku,
4 ‘Kuban pagi keturunenndu+ tetap lit seh rasa lalap,Janah Kuban pagi tahtandu tetap paguh arah jaman ku jaman.’”+ (Sela)
5 O Jahwe, langit muji perbahanenNdu si luar biasa,PerpulungenNdu* si badia muji kesetianNdu.
6 Sebap ise kin bas langit si banci ipeseri ras Jahwe?+
Ise kin anak-anak Dibata*+ si bali bagi Jahwe?
7 Dibata ihamati perpulungen* si badia,+Ia mulia janah luar biasa akap kerina si lit i sekelilingNa.+
8 O Jahwe Dibata penguasa malekat,O Jahwe,* ise si bagi Kam gegehna?+
Kam lalap setia.+
9 KuasaiNdu laut si ergelombang,+PetenangNdu ombak si galang gelombangna.+
10 TalukenNdu Rahap+ bali bagi kalak si ibunuh.+
Alu tanNdu si megegeh merapkenNdu musuh-musuhNdu.+
11 JangNdu kap langit, doni pe jangNdu.+
Taneh si subur bage pe kerina isina,+ Kam kap si erbanca.
12 Kam kap si erban utara ras selatan,Tabor+ ras Hermon+ muji gelarNdu alu ermeriah ukur.
13 TanNdu erkuasa,+TanNdu megegeh kap,+Tan kananNdu iangkat meganjang.+
14 Pondasi tahtaNdu eme kebenaren ras keadilen,+Kekelengen si setia ras kesetian tedis i lebe-lebeNdu.+
15 Ermeriah ukur kap bangsa si ersurak meriah.+
O Jahwe, erdalan kalak e i teruh sinar ayoNdu.
16 Gedang-gedang wari kalak e ermeriah ukur perban gelarNdu,Kalak e ipeganjang perban keadilenNdu.
17 Sebap Kam kap kemulian ras gegeh kalak e,+Janah reh gegehna kami perban jadi ateNdu.+
18 Perisai* kami, Jahwe kap si mpuna,Raja kami, Dibata Israel Si Badia kap si mpuna.+
19 Mbarenda ngerana Kam arah sada pengenehenen* man pelayanNdu si setia, nindu,
“Enggo Kubereken gegeh man kalak si megegeh,+Enggo Kupeganjang kalak si Kupilih arah bangsa e.+
20 Enggo Kudat Daud pelayanKu,+Kulantik ia alu minakKu si badia.+
21 TanKu ndukung ia,+Janah tanKu mpegegehi ia.
22 La pagi lit musuh si mindo upeti* arah ia nari,Janah la pagi lit kalak jahat si nindas ia.+
23 Kuhancurken pagi musuh-musuhna arah lebe-lebena nari,+Kutaluken pagi kalak si rate segat man bana.+
24 Kesetian ras kekelengenKu si setia lit ras ia,+Janah gelarKu erban ia reh gegehna.
25 Kuban pagi ia erkuasa nandangi laut,Janah erkuasa nandangi lau maler.+
26 Nina pagi man bangKu, ‘Kam kap Bapakku,Dibataku ras Gunung Batu keselamatenku.’+
27 Kuban pagi ia jadi anak sintua,+Si meganjangna i tengah raja-raja i doni.+
28 KekelengenKu si setia man bana lit seh rasa lalap,+Janah perjanjinKu ras ia la pernah gagal.+
29 Kuban pagi keturunenna lit seh rasa lalap,Janah tahtana tetap lit bali bagi langit.+
30 Adi tadingken anak-anakna undang-undangKuJanah la ikutkenna peraturen-peraturenKu,
31 Adi langgar kalak e undang-undangKuJanah la patuhina perentah-perentahKu,
32 Kuhukum pagi kalak e alu tongkat perban kalak e la patuh,*+Bage pe perban pelanggarenna.
33 Tapi lalap pagi Kucidahken kekelengenKu si setia man kalak e,+Lalap pagi Kutepati janjiKu.
34 Labo pagi Kulanggar perjanjinKu,+Janah labo Kuubah kai si enggo Kukataken.+
35 Selaku Dibata si badia, enggo ersumpah Aku sekali guna seh rasa lalap,Labo pagi Kubuali Daud.+
36 Keturunenna lit pagi rasa lalap,+Tahtana lit pagi rasa lalap i lebe-lebeKu bali bagi matawari.+
37 Si e lit pagi seh rasa lalap bali bagi bulan,Bagi saksi si setia si lit i langit.” (Sela)
38 Tapi Kam si nadingken ras si nulak ia,+Merawa kel Kam man kalak si ilantikNdu.
39 Lanai kapNdu merga perjanjinNdu ras pelayanNdu,HinaNdu mahkotana janah benterkenNdu ku taneh.
40 HancurkenNdu kerina tembok batuna,RuntuhkenNdu benteng-bentengna.
41 Kerina kalak si lewat njarahsa,Bangsa si lit i sekelilingna nokohi ia.+
42 BanNdu menang musuh-musuhna,+BanNdu kerina musuhna ermeriah ukur.
43 BanNdu pedangna la erguna,BanNdu ia talu bas peperangen.
44 BuatNdu kemulianna,Janah benterkenNdu tahtana ku taneh.
45 BanNdu ia meter metua,BajuiNdu ia alu kemelan. (Sela)
46 O Jahwe, ngasa ndigan Kam cebuni? Rasa lalap nge?+
Lalap nge gara rawaNdu bagi api?
47 Inget min uga gendekna umurku!+
La nge lit tujunna ciptakenNdu manusia?
48 Ise kin si banci terus nggeluh janah la banci mate?+
Banci kin selamatkenna bana arah gegeh Kuburen* nari? (Sela)
49 O Jahwe, i ja dage kekelengenNdu si setia si mbarenda cidahkenNdu,Si janjikenNdu man Daud alu kesetianNdu?+
50 O Jahwe, inget min uga pelayan-pelayanNdu ihina,Uga aku nggengken penghinan arah kerina bangsa.
51 O Jahwe, ihina musuh-musuhNdu kalak si lantikNdu,Kai pe si lakokenna ihina kalak.
52 Terpujilah Jahwe seh rasa lalap. Amin! Amin!+
Cataten i teruh
^ Ntah “Malekat-malekatNdu.”
^ Ntah “malekat-malekat.”
^ Ntah “malekat-malekat.”
^ As. “Jah.” Jah eme singkaten gelar Jahwe.
^ Ntah “Ampang-ampang.”
^ Eme kerna kai pe si cidahken Dibata ku bas pikiren sekalak jelma.
^ Ntah “kalak e mberontak.”
