Masmur 90:1-17
Toto Musa, pelayan Dibata si benar.+
90 O Jahwe, Kam kap ingan kami tading*+ arah jaman ku jaman.
2 Sope gunung-gunung ijadiken,Bage pe doni ras kerina tanehna si subur,+Kam kap Dibata seh rasa lalap.+
3 BanNdu manusia jadi abu,KatakenNdu, “O anak-anak manusia, mulihkenlah jadi abu.”+
4 Sebap seribu tahun bali akapNdu bagi wari si nderbih,+Bagi sada giliren jaga malam* ngenca.
5 KernepkenNdu kalak e,+ kalak e bali bagi nipi.
Kalak e bagi dukut si ertunas sanga erpagi-pagi.+
6 Sanga erpagi-pagi turah ia janah mekar,Sanga berngi melus ia janah kerah.+
7 Sebap keri kami perban rawaNdu,+Mbiar kel kami perban rawaNdu.
8 TehNdu kerina kesalahen kami,+Rahasia kami teridah perban sinar ayoNdu.+
9 Keri geluh kami perban rawaNdu,Tahun-tahun kami bagi sekali erkesah.
10 Geluh kami 70 tahun dekahna,Adi megegeh kel banci 80 tahun.+
Tapi geluh kami dem kesusahen ras ceda ate,Geluh kami meter kel bene jenari lanai kami lit.+
11 Ise si metehsa uga belinna rawaNdu?
Mbelin kel, pas bagi belinna kehamaten si patut alokenNdu.+
12 Ajari min kami gelah beluh ndalani kegeluhen kami,*+Gelah jadi kalak si pentar kami.
13 O Jahwe, mulihken min Kam man kami.+
Asa kai nari dekahna enda terjadi?+ Mekuah min ateNdu kami.+
14 Puasken min kami alu kekelengenNdu si setia+ sanga erpagi-pagi,Gelah ersurak kami alu ermeriah ukur janah senang akap kami+ segedang geluh kami.
15 Ban min wari-wari kami ermeriah ukur seri buena ras wari-wari sanga pediatNdu kami susah,+Bagi tahun-tahun sanga nanami kami kiniseran.+
16 Mbera-mbera pelayan-pelayanNdu ngidah pendahinNdu,Anak-anakna ngidah kemulianNdu.+
17 Mbera-mbera meriah ukur Dibata Jahwe ngidah kami,Mbera-mbera berhasil banNdu pendahin kami.
Ban min berhasil pendahin kami.+
Cataten i teruh
^ Ntah banci saja “ingan kami erlindung.”
^ Sada giliren jaga kira-kira 4 jam.
^ Ntah “beluh ngkira wari-wari kami.”
