Masmur 92:1-15
Sada masmur. Sada lagu man wari Sabat.
92 Seh kel ulina ngataken bujur man bandu, o Jahwe,+Ngendeken puji-pujin* man gelarNdu, o Dibata Si Meganjangna,
2 Guna nceritaken kekelengenNdu si setia+ sanga erpagi-pagi,Bage pe kesetianNdu sanga berngi,
3 Iiringi alat musik si sepuluh senarna bage pe kulcapi,Ras sora harpa* si merdu.+
4 O Jahwe, banNdu aku ermeriah ukur perban perbahanenNdu,Ersurak aku ermeriah ukur perban kai si lakoken tanNdu.
5 O Jahwe, luar biasa kel perbahanenNdu!+
Seh kel bagesna perukurenNdu!+
6 Kalak si la rukur labo banci tehna,Kalak bodoh labo banci angkaina kerna si enda:+
7 Amin pe kalak jahat turah bagi dukut,Janah kerina kalak si ngelakoken si jahat reh makmurna,Dungna ikernepken pagi kalak e seh rasa lalap.+
8 Tapi Kam ipeganjang seh rasa lalap, o Jahwe.
9 O Jahwe, nenlah! Musuh-musuhNdu enggo talu,Nenlah uga pagi musuh-musuhNdu ikernepken,Imerapken pagi kerina kalak si ngelakoken kai si jahat.+
10 BanNdu aku megegeh bagi lembu jantan liar,Lembap pagi kuban kulitku alu minak si segar.+
11 Kuidah pagi musuh-musuhku talu,+Kubegi pagi kalak jahat si nyerang aku enggo talu.
12 Tapi kalak benar turah bagi batang kurma,Reh galangna bagi batang kayu aras i Libanon.+
13 Kalak e isuan i rumah Jahwe,Turah kalak e i halamen rumah Dibatata.+
14 Amin pe enggo metua, tetap ia ngasilken buah,+Tetap ia megegeh janah segar,+
15 Guna nceritaken maka Jahwe e benar.
Ia kap Gunung Batuku,+ la pernah lakokenNa si salah.
Cataten i teruh
^ Ntah “Mainken musik.”
^ Harpa eme alat musik si ersenar bagi gitar, tapi bentukna beda.
