Masmur 94:1-23
94 O Dibata Jahwe si ngelakoken pembalasen,+O Dibata si ngelakoken pembalasen, ersinarlah!
2 O Hakim doni, ertindaklah Kam.+
Balaslah kalak si sombong menurut perbahanenna.+
3 O Jahwe, ngasa ndigan,Ngasa ndigan kalak jahat tetap ermeriah ukur?+
4 Kataken kalak e kata-kata si sombong,Kerina kalak si ngelakoken kai si jahat mujiken bana.
5 O Jahwe, hancurken kalak e bangsaNdu,+Tindas kalak e umatNdu.
6 Bunuh kalak e janda ras penduduk asing,Bunuh kalak e anak si la erbapa.
7 Ning kalak e, “Labo idah Jahwe,*+Labo idah Dibata Jakup kerna si e.”+
8 Angkailah enda, o kalak si la rukur,O kalak bodoh, ngasa ndigan la angka kena kerna si e?+
9 Si erban cuping, pasti erpemegi.
Si erban mata, pasti erpengidah.+
10 Si mpersingeti bangsa-bangsa, pasti banci mpersingeti.+
Ia kap si ngajarken pemeteh man kalak!+
11 Teh Jahwe perukuren manusia,TehNa maka kalak e bagi sekali erkesah ngenca.+
12 O Jahwe, ermeriah ukur kap kalak si persingetiNdu,+Si ajariNdu undang-undangNdu,+
13 Guna mereken kedamen man bana sanga ia susah,Seh ngasa igali lubang man kalak jahat.+
14 Sebap labo pagi tadingken Jahwe umatNa,+Janah labo lupakenNa umatNa.+
15 Sebap undang-undang mulihi pagi itegakken,Janah kerina kalak si bersih pusuhna ngikutkenca pagi.
16 Ise pagi si mbela aku ngelawan kalak jahat?
Ise pagi si ndukung aku ngelawan kalak si ngelakoken kejahaten?
17 Adi la sampati Jahwe aku,Ntisik nari pasti aku kernep.+
18 Sanga kukataken, “Celus naheku,”
KekelengenNdu si setia, o Jahwe, lalap mpegegehi aku.+
19 Sanga kuatir kel aku,ApuliNdu aku janah banNdu aku tenang.+
20 Labo mungkin Kam erdahin radu ras peminpin* si jahat,Sebap ban kalak e rencana erban masalah alu make undang-undang.+
21 Serang kalak e kalak si benar alu kejam,+Kataken kalak e kalak si la ersalah e jahat janah patut ihukum mate.+
22 Tapi Jahwe kap pagi inganku erlindung* si aman,Dibataku kap gunung batu perlindungenku.+
23 BalasNa pagi perbahanen jahat kalak e.+
KernepkenNa pagi kalak e alu kejahatenna.
Jahwe Dibatata pagi si engkernepken kalak e.+
Cataten i teruh
^ As. “Jah.” Jah eme singkaten gelar Jahwe.
^ Ntah “hakim.”
^ Ntah “ingan si meganjang.”
