Masmur 95:1-11
95 Mari kita ersurak muji Jahwe,Mari kita ersurak muji Gunung Batu si nelamatken kita.+
2 Mari kita ngadap man baNa janah sikataken bujur,+Mari kita rende janah ersurak muji Ia.
3 Sebap Jahwe Dibata si mulia,Raja si mulian asangken kerina dibata.+
4 Ingan-ingan si mbagesna bas doni lit bas tanNa,Puncak-puncak gunung, Ia kap punaNa.+
5 Laut si ibanNa, Ia kap punaNa,+Janah taneh si kerah, tanNa kap si erbanca.+
6 Mari kita mungkuk nembah man baNa,Mari kita sujud i lebe-lebe Jahwe Si Erban kita.+
7 Sebap Ia kap Dibatata,Janah kita kap bangsa si permakaniNa,Biri-biri si urusNa.+
Wari enda, adi begiken kena soraNa,+
8 Ula kena mekeng bagi sanga i Meriba,*+Bagi sanga i Masa* i taneh mesawang,*+
9 Sanga uji nini bulang kena Aku,+Itantang kalak e Aku amin pe enggo idahna kerina si Kulakoken.+
10 Ciga ateKu man bangsa e 40 tahun dekahna, janah ningKu,
“Pusuh kalak e lalap ndauh arah Aku nari,La tandaina dalan-dalanKu.”
11 Merawa Aku janah ersumpah,
“Ndigan pe kalak e labo masuk ku bas wari istrahatKu.”+
Cataten i teruh
^ Ertina “Ersoal; Sijawapen.”
^ Ertina “Ujin; Percuban.”
^ Taneh si mbelang si jarang iingani.