Matius 1:1-25
1 Buku kerna sejarah* Jesus Kristus,* anak Daud,+ anak Abraham:+
2 Abraham eme bapak Isak;+Isak eme bapak Jakup;+Jakup eme bapak Juda+ ras senina-seninana;
3 Juda eme bapak Peres ras Sera,+ mamak kalak e eme Tamar;Peres eme bapak Hesron;+Hesron eme bapak Ram;+
4 Ram eme bapak Aminadap;Aminadap eme bapak Nahesson;+Nahesson eme bapak Salmon;
5 Salmon eme bapak Boas, mamak Boas eme Rahap;+Boas eme bapak Obet, mamak Obet eme Rut;+Obet eme bapak Isai;+
6 Isai eme bapak Raja Daud.+
Daud eme bapak Salomo,+ mamak Salomo eme diberu si pernah jadi diberu Uria;
7 Salomo eme bapak Rehabeam;+Rehabeam eme bapak Abia;Abia eme bapak Asa;+
8 Asa eme bapak Josapat;+Josapat eme bapak Jehoram;+Jehoram eme bapak Ussia;
9 Ussia eme bapak Jotam;+Jotam eme bapak Ahas;+Ahas eme bapak Hiskia;+
10 Hiskia eme bapak Manase;+Manase eme bapak Amon;+Amon eme bapak Josia;+
11 Josia+ eme bapak Jekonia+ ras senina-seninana. Kalak enda lahir sanga ibuang ku Babilon.+
12 Kenca pembuangen ku Babilon, lahir anak Jekonia eme Sealtiel;Sealtiel eme bapak Serubabel;+
13 Serubabel eme bapak Abiud;Abiud eme bapak Eliakim;Eliakim eme bapak Asor;
14 Asor eme bapak Sadok;Sadok eme bapak Ahim;Ahim eme bapak Eliud;
15 Eliud eme bapak Eleasar;Eleasar eme bapak Mattan;Mattan eme bapak Jakup;
16 Jakup eme bapak Jusup. Jusup eme dilaki Maria. Arah Maria lahir me Jesus+ si igelari Kristus.+
17 Emaka kerina keturunen arah Abraham nari seh ku Daud lit 14 keturunen; Daud nari seh ku pembuangen i Babilon lit 14 keturunen; pembuangen i Babilon nari seh ku Kristus lit 14 keturunen.
18 Bagenda me kerna kelahiren Jesus Kristus. Maria, mamak Jesus, enggo ertunangen ras Jusup. Tapi sope erjabu, enggo hamil Maria perban kesah si badia.+
19 Jusup, tunangen* Maria e, kalak si bujur. La atena erban Maria mela i lebe-lebe jelma si enterem. Emaka ceraikenna* atena ia alu erbuni-buni.+
20 Tapi kenca ukurina kel kerna si e, idahna malekat Jahwe* reh bas nipina. Nina malekat e, “O Jusup, keturunen Daud, ula kam mbiar erban Maria jadi diberundu. Sebap anak bas rahimna e lit perban kesah si badia.+
21 Lahirkenna pagi sekalak anak dilaki janah arus banndu gelarna Jesus,*+ sebap ia pagi si nelamatken kalak arah dosa nari.”+
22 Kerina enda tuhu-tuhu terjadi gelah seh kai si kataken Jahwe* arah nabiNa, nina,
23 “Hamil pagi singuda-nguda e, lahirkenna sekalak anak dilaki, jenari ban kalak e pagi gelarna Imanuel,”+ si ertina “Dibata Ras Kita.”+
24 Kenca si e, medak Jusup janah dalankenna kai si kataken malekat Jahwe* man bana jenari empoina Maria.
25 Tapi la ia erhubungen seks ras Maria seh ngasa lahir anak e,+ janah banna gelar anak e Jesus.+
Cataten i teruh
^ Ntah “silsilah.”
^ Ntah “Mesias; Kalak si Ipilih.”
^ Bas kalak Jahudi, tunangen e enggo ikataken perbulangen ntah pe ndehara.
^ Menurut kalak Jahudi, adi kalak si ertunangen la surung erjabu arus ia cerai.
^ Enda tangtangna gelar Dibata eme Jahwe itulisken bas Kitap-Kitap Junani Kristen si buena lit 237 kali. Nen Ket. A5.
^ Bas bahasa Heber, gelar e Jesua ntah Josua, si ertina “Jahwe Eme Keselamaten.”
