Matius 23:1-39
23 Kenca si e, ngerana Jesus man jelma si enterem bage pe man murid-muridna, nina,
2 “Ahli Undang-Undang Musa ras kalak Parisi tek maka kai si ajarkenna seri ras kai si ajarken Musa.
3 Perban si e, lakokenlah kerina si katakenna man kena tapi ula ikutken perbahanenna, sebap la lakokenna kai si katakenna.+
4 Iketkenna baban si mberat janah tamana ku bara kalak,+ tapi la ia nggit njemaksa alu jari-jarina.+
5 Kerina si lakokenna gelah idah kalak.+ Pegalangna kotak-kotak si isina ayat si pakena njaga ia,+ pegedangna rumbai uisna.+
6 Meriah akapna bas ingan si mehamat i pesta-pesta bage pe bas ingan kundul si arah lebe* bas ingan-ingan pulung kalak Jahudi.*+
7 Meriah akap kalak e perkuanken kalak alu mehamat bas ingan si enterem jelma* ras ilebuh kalak ia Guru.*
8 Tapi kena ula ilebuh kalak Guru, sebap sada Guru kena,+ janah kerina kena ersenina.
9 Selain si e, ise pe ula lebuh kena Bapak i doni, sebap sada Bapak kena,+ eme si i surga.
10 Ise pe ula lebuh kena peminpin, sebap sada Peminpin kena, eme Kristus.
11 Tapi ise si mbelinna bas kena arus jadi pelayan kena.+
12 Ise pe si peganjangna bana ipeteruk pagi,+ janah ise pe si peterukna bana ipeganjang pagi.+
13 “Cilaka kel kena, o ahli Undang-Undang Musa ras kalak Parisi, kalak si munapik! Tutup kena Kerajan surga i lebe-lebe kalak. Kena la masuk ku bas janah kalak si atena masuk, la ipediat kena masuk.+
14 * ——
15 “Cilaka kel kena, o ahli Undang-Undang Musa ras kalak Parisi, kalak si munapik!+ Lewati kena laut ras taneh guna erban kalak masuk ku agama kena. Kenca masuk ia, ban kena ia cocok masuk ku Gehena* janah dungna dua kali ia jahaten asangken kena.
16 “Cilaka kel kena, o penegu-negu si pentang,+ sebap ning kena, ‘Adi kalak ersumpah bas gelar rumah pertoton, la lit ertina. Tapi adi kalak ersumpah bas gelar emas si lit bas rumah pertoton, arus tepatina.’+
17 O kalak motu ras pentang! Apai kin pentingen, emas ntah rumah pertoton si erban emas e badia?
18 Ning kena ka, ‘Adi kalak ersumpah bas gelar ingan nutung* persembahen, la lit ertina, tapi adi kalak ersumpah bas gelar persembahen si lit i je, arus tepatina.’
19 O kalak pentang! Apai kin pentingen, persembahen ntah ingan nutung persembahen si erban persembahen e badia?
20 Emaka ise pe si ersumpah bas gelar ingan nutung persembahen, labo ngenca ersumpah bas gelar e, tapi bas gelar kerina si lit i je.
21 Ise pe si ersumpah bas gelar rumah pertoton labo saja ersumpah bas gelar e, tapi bas gelar Dibata si tading i je.+
22 Ise pe ersumpah bas gelar surga, labo saja ersumpah bas gelar tahta Dibata, tapi bas gelar Dibata si kundul i je.
23 “Cilaka kel kena, o ahli Undang-Undang Musa ras kalak Parisi, kalak si munapik! Bereken kena sepersepuluh bas sinuan-sinuan mint nari,+ jera page, ras jera,* tapi la perdiateken kena kai si pentingen asa si e bas Undang-Undang, eme keadilen,+ perkuah ate,+ ras kesetian. Payo, mere perpuluhen e penting, tapi si debanna pe arus perdiateken kena.+
24 O penegu-negu si pentang,+ agas agui kena+ tapi unta bendut kena!+
25 “Cilaka kel kena, o ahli Undang-Undang Musa ras kalak Parisi, kalak si munapik! Arah darat ngenca bersihken kena cangkir ras piring kena,+ tapi si arah bas dem kerangapen*+ ras napsu si la terkuasai.+
26 O kalak Parisi si pentang, bersihken lebe cangkir ras piring si arah bas e, gelah si arah darat pe banci ka bersih.
27 “Cilaka kel kena, o ahli Undang-Undang Musa ras kalak Parisi, kalak si munapik!+ Kena bagi kuburen si icet mbentar,+ arah darat teridah mejile tapi arah bas dem tulan-tulan kalak mate ras kerina si najis.
28 Bage ka nge kena, arah darat teridah kena benar i lebe-lebe manusia, tapi arah bas seh kel kena munapikna ras langgar kena undang-undang.+
29 “Cilaka kel kena, o ahli Undang-Undang Musa ras kalak Parisi, kalak si munapik!+ Bangun kena kuburen nabi-nabi janah pejile kena kuburen kalak si benar,+
30 ning kena, ‘Adi nggeluh kami bas jaman nini bulang kami, pasti la ikutken kami kalak e munuh nabi-nabi.’
31 Alu bage, bereken kena kesaksin si nentang diri kena sendiri maka kena anak-anak si munuh nabi-nabi.+
32 Emaka, dungilah dahin si enggo benaken nini bulang kena.
33 “O nipe, keturunen nipe si erbisa,+ uga kena banci pulah bas hukumen Gehena* nari?+
34 E me sebapna kusuruh nabi-nabi+ ras kalak si pentar bage pe guru-guru*+ ndahi kena. Piga-piga arah kalak e bunuh kena pagi,+ hukum kena bas tiang* seh ngasa mate, piga-piga cambuk kena+ bas ingan-ingan pulung kalak Jahudi, ras siksa kena+ arah kota ku kota.
35 Emaka man kena dabuhna dareh kerina kalak benar si mambur i doni, mulai dareh Abil+ eme kalak si benar, seh ku dareh Sakaria anak Berehia si bunuh kena i antara ingan si badia ras ingan nutung persembahen.+
36 Situhuna kukataken man bandu, kerina hukumen e ndabuh pagi ku kalak si nggeluh gundari enda.
37 “O Jerusalem, Jerusalem, si munuh nabi-nabi ras si mbenteri* kalak si isuruh ndahi kam,+ lalap kel kuusahaken mpepulung anak-anakndu bagi indung manuk mpepulung anak-anakna i teruh kabengna! Tapi la kena nggit.+
38 Emaka itadingken pagi rumah pertoton kena.+
39 Sebap kukataken man kena, mulai gundari nari, lanai pagi idah kena aku seh ngasa kataken kena, ‘Ipasu-pasu me ia si reh bas gelar Jahwe!’”*+
Cataten i teruh
^ Ntah “si mehulina.”
^ Ntah “bas pajak.”
^ As. “Rabbi.”
^ Mint, jera page, ras jera eme sinuan-sinuan si kitik si turah i juma si pake kalak jadi bumbu pangan.
^ Ntah “hasil jarahen.”
^ Ntah “kayu.”
^ Ntah “guru-guru man jelma si enterem.”
^ Ntah “mbenteri alu batu.”
