Miha 1:1-16
1 Reh kata Jahwe man Miha*+ bas jaman Jotam,+ Ahas,+ ras Hiskia+ eme raja-raja Juda.+ Miha e arah Moreset nari. Idah Miha pengenehenen* kerna Samaria ras Jerusalem,
2 “O bangsa-bangsa, begikenlah!
O doni ras kerina isina, perdiatekenlah!
Jahwe lit i rumah pertotonNa si badia.
Jahwe Tuhan Si Meganjangna jadi saksi ngelawan kena.+
3 Ndarat pagi Jahwe arah inganNa nari.
Nusur Ia janah perjakiNa ingan-ingan si meganjang i doni.
4 Cair pagi gunung-gunung i teruhNa,+Terbelah pagi lembah-lembah*Bagi lilin i deher api,Bagi lau si maler ku ingan si meteruk.*
5 Kerina e perban Jakup mberontak,Perban dosa-dosa keturunen Israel.+
Engkai maka Jakup mberontak?
La kin perban Samaria?+
Engkai maka lit ingan-ingan ersembah* i Juda?+
La kin perban Jerusalem?
6 Kuban pagi Samaria jadi gun-gunen batu i juma,Jadi kebun guna nuan anggur.
Kubenterken* pagi batu-batuna ku lembah,Kubongkar pagi pondasina.
7 Ihancurken pagi kerina patung ukirenna,+Itutung pagi kerina hadiah si datna arah pelacurenna.+
Kuhancurken pagi kerina berhalana.
Sebap enda ndai kerina ipepulungna arah upah pelacurenna,Janah e mulihi jadi upah man pelacur.”
8 Nderkuh pagi aku perban si e janah serko-serko.+
La pagi aku erselop erdalan janah tilanjang aku.+
Soraku nderkuh bali pagi bagi biang kerangen,Soraku erceda ate bali pagi bagi sora burung unta.
9 Sebap lukana la terpepalem.+
Enggo tersebar seh ku Juda.+
Wabah penakit e enggo tersebar seh ku gerbang bangsaku, ku Jerusalem.+
10 “Ula umumken si e i Gat.
Ula sitik pe tangis.
Erguling-gulinglah bas abu i Bet Leapra.*
11 O penduduk* Sapir, tilanjanglah kena lawes janah mela akap kena.
Penduduk* Saanan lenga ndarat.
Mbarenda Bet-Esel inganndu erlindung, tapi gundari sora nderkuh ngenca terbegi je nari.
12 Penduduk* Marot nimai kai si mehuli,Tapi kai si la mehuli si penusur Jahwe ku gerbang Jerusalem.
13 O penduduk* Lakis,+ pasanglah kuda ku gereta perang.
Kena kap si erbanca kalak Sion erdosa.
Sebap pemberontaken Israel idat bas kena.+
14 Emaka bereken kena pagi hadiah-hadiah perpisahen man Moreset.
Rumah-rumah Aksip+ la banci andalken raja-raja Israel.
15 O penduduk* Maresa,+ Kubaba pagi kalak si naluken* kena.+
Reh pagi si mulia arah Israel seh ku Adulam.+
16 Botakilah takal kena, cukur buk kena ngasa keri guna anak-anak si kelengi kena.
Botaklah ban takal kena bagi takal kuliki,Sebap anak-anak kena enggo ibuat arah kena nari jadi tabanen.”+
Cataten i teruh
^ Eme kerna kai pe si cidahken Dibata ku bas pikiren sekalak jelma.
^ Gelar e ibuat arah Mikael ntah pe Mikaya, si ertina “Ise si Bagi Jahwe?”
^ Ntah “baluren-baluren.”
^ Ntah “ku reben-reben.”
^ As. “ingan-ingan si meganjang.”
^ As. “Kugulangken.”
^ Ntah “i rumah Leapra.”
^ As. “penduduk si diberu i.”
^ As. “penduduk si diberu i.”
^ As. “penduduk si diberu i.”
^ As. “penduduk si diberu i.”
^ As. “penduduk si diberu i.”
^ Ntah “si njarah.”
