Miha 2:1-13
2 “Cilaka kalak si erban rencana jahat,Si erban rencana si la mehuli bas ingan medemna!
Sanga erpagi-pagi lakokenna rencanana e,Perban lit kuasana ngelakokenca.+
2 Merhat ia juma kalak, rampasna.+
Merhat ia rumah kalak, buatna.
Tipuna kalak guna muat rumahna,+Tipuna kalak guna muat erta warisenna.
3 Emaka bagenda nina Jahwe,
‘Gundari Kuban rencana eme bencana man kena,+ labo pagi kena selamat.+
Lanai pagi kena erdalan alu meganjang ukur,+ sebap reh pagi bencana bas masa si e.+
4 Bas wari e, kataken kalak pagi kuan-kuan kerna kena,Alu sedih itangisina kena.+
Nina kalak e pagi, “Enggo hancur kel kita!+
BuatNa jang bangsata, berekenNa man kalak si deban!+
Bagi-bagikenNa jumata man kalak si la nembah Ia.”
5 La lit sekalak pe pagi si ngukur alu nali,Guna mbagi-mbagiken taneh bas runggun Jahwe alu cara iundi.
6 “Ula beritaken!” nina kalak e,“La banci beritaken kalak e kerna si e.
Labo pagi kita ihina!”
7 O keturunen Jakup, la kin begindu bagenda ning kalak,
“Lanai kin sabar Jahwe?
Payo kin enda perbahanenNa?”
La kin kata-kataKu erguna man kalak si patuh man bangKu?
8 Tapi bas pudi wari enda, umatKu bagi musuh.
Terang-terangen kena ngerampas perhiasen si mejile ras* jubahArah kalak si mentas si tetap ukurna, bagi kalak si mulih kenca menang erperang.
9 Diberu-diberu si lit i tengah-tengah umatKu ipelawes kena arah rumahna si ngena atena,Kai si mehuli si enggo Kubereken man anak-anak kalak e buat kena, lanai ulihken kena.
10 Medakkenlah janah laweslah, sebap enda labo ingan istrahat.
Perban najis,+ hancur pagi ingan enda janah kehancurenna seh kel parahna.+
11 Adi lit kalak si ngayaki kai si sia-sia bage pe kai si la tuhu, janah katakenna bual enda,
“Kuberitaken pagi man kena kerna inemen anggur ras inemen si lit alkoholna,”
Cocok kalak e jadi nabi man bangsa enda!+
12 O Jakup, pasti Kupepulung pagi kena kerina.
Pasti Kupepulung pagi kalak Israel si nggeluh denga.+
Kupersada pagi kalak e bagi biri-biri bas kandang,Bagi asuh-asuhen i mbalmbal.+
Enterem kel pagi kalak i je.’+
13 Maju pagi i lebe-lebe kalak e kalak si mbuka dalan,Terobos kalak e pagi gerbang, lewat pagi kalak e arah je nari janah ndarat.+
Raja kalak e lewat pagi i lebe-lebe kalak e,Jahwe pagi si minpin kalak e.”+
Cataten i teruh
^ Ntah banci saja “arah.”
