Miha 3:1-12
3 Ningku, “Begikenlah, o peminpin-peminpin Jakup,Bage pe penguasa-penguasa Israel.+
La kin arusna teh kena kai si adil?
2 Segat ate kena kai si mehuli,+ ngena ate kena kai si jahat,+Kuliti kena umatKu, irigatken kena dagingna arah tulan-tulanna.+
3 Pan kena daging bangsaKu,+Janah kuliti kena.
Hancurken kena tulan-tulanna, perperken kena ngasa getem,+Bagi daging ras tulan si itanggerken bas panci.*
4 Bas masa e, erlebuh pagi kalak e man Jahwe mindo penampat,Tapi la jawapNa kalak e.
Bas masa e bunikenNa pagi ayoNa arah kalak e,+Sebap jahat perbahanen kalak e.+
5 Ban nabi-nabi me bangsaKu papak,+ katakenna dame+ adi lit si man ngat-ngatenna,*+Tapi katakenna perang man kalak si la mereken kai pe man babahna.
Emaka bagenda nina Jahwe man kalak e,
6 ‘Bas gelap pagi kena bali bagi bas berngi,+ la lit idat kena pengenehenen.*+
Kegelapen nari ngenca lit bas kena, la lit ramalen.
Terbenam pagi matawari man nabi-nabi,Ciger jadi gelap man kalak e.+
7 Ipermelaken pagi kalak si lit pengenehenenna,+Ikecewaken pagi kalak si ngeramal.
Tutup kalak e pagi kerina babahna* perban mela,Sebap la lit jawapen arah Dibata.’”
8 Tapi aku, megegeh aku perban kesah si badia Jahwe,Si nampati aku gelah adil perbahanenku janah gelah pang akuGuna ngataken man Jakup kerna pemberontakenna janah man Israel kerna dosana.
9 Begikenlah enda, o peminpin-peminpin keturunen Jakup,Bage pe o penguasa-penguasa keturunen Israel.+
Segat ate kena kai si adil, bengkokken kena kerina si lurus.+
10 Bangun kena Sion alu dareh si mambur bage pe Jerusalem alu kai si la benar.+
11 Peminpin-peminpin ngakimi guna ndatken sen sogok,+Imam-imam ngajar guna ndatken upah,+Nabi-nabi ngeramal guna ndatken sen.*+
Tapi ngaku kalak e ngandalken Jahwe alu ngataken,
“La kin Jahwe lit ras kita?+
Labo pagi kita kena bencana.”+
12 Gara-gara kena,Ibajak pagi Sion bagi juma,Jadi reruntuhen si ergun-gun pagi Jerusalem,+Gunung ingan rumah Dibata* bali pagi bagi kerangen.+
Cataten i teruh
^ Ntah “panci si mbelang babahna.”
^ Ntah “dame janahna ngkarati.”
^ Eme kerna kai pe si cidahken Dibata ku bas pikiren sekalak jelma.
^ Ntah “kumisna.”
^ Ntah “pirak.”
^ Ntah “rumah pertoton.”
