Miha 4:1-13
4 Bas wari-wari pendungi,Gunung ingan rumah Jahwe+Pajek pagi alu paguh ganjangen asangken gunung-gunung,Ganjangen asangken bukit-bukit,Enterem pagi kalak reh ku je.+
2 Melala pagi bangsa lawes janah ngataken,
“Ota kita naik ku gunung Jahwe,Ku rumah Dibata Jakup.+
AjariNa pagi kita dalan-dalanNa,Erdalan pagi kita ngikutken dalan-dalanNa.”
Lit pagi undang-undang* ndarat arah Sion,Bage pe kata-kata Jahwe arah Jerusalem.
3 HakimiNa pagi melala bangsa,+DungiNa pagi persoalen melala bangsa si mbelin, si ndeher bage pe si ndauh.
Ban kalak e pagi pedang jadi piso bajak,Tombak jadi sabi-sabi.+
Bangsa lanai pagi ngangkat pedang ngelawan bangsa.
Lanai pagi kalak e erlajar perang.+
4 Kundul* pagi kalak e masing-masing i teruh batang anggurna bage pe batang arana,+La lit si erban kalak e mbiar,+Sebap Jahwe Dibata penguasa malekat si enggo ngatakenca.
5 Kerina bangsa ngikutken* dibatana masing-masing,Tapi kami ngikutken* Jahwe Dibata kami+ seh rasa lalap.
6 Nina Jahwe, “Bas wari e,Kupepulung pagi bangsa si pincang e,Kupepulung pagi bangsa si merap e,+Radu ras kalak si enggo Kuhukum.
7 Kalak si nggeluh denga arah bangsa si pincang e, Kuselamatken pagi.+
Bangsa si ipelawes ku ingan si ndauh, Kuban pagi jadi bangsa si megegeh.+
Merentah pagi Jahwe jadi raja kalak e i Gunung Sion,Gundari nari seh rasa lalap.
8 O kam, menara rarasen,Bukit kalak Sion,+Iulihken pagi man bandu pemerentahenndu si mbarenda,+Eme kerajan kota Jerusalem.+
9 Engkai maka megang kel kam serko?
La kin lit rajandu?
Ntah enggo kin mate penasehatndu?
E nge alasenna maka mesui kel kapndu bagi diberu si sangana melahirken?+
10 O kalak Sion, ndeherenglah kena janah serkolah,Bagi diberu si sangana melahirken,Sebap gundari lawes kena arah kota janah tading i mbalmbal.
Lawes pagi kena seh ku Babilon,+I jah pagi kena iselamatken.+
I jah itukur Jahwe pagi kena mulihi arah tan musuh-musuh kena.+
11 Melala pagi bangsa pulung ngelawan kena.
Nina kalak e pagi, ‘Pediatlah Sion la iergai,Pediatlah kami ngidah kai si terjadi man bana.’
12 Tapi la teh kalak e perukuren Jahwe,La angkai kalak e sura-suraNa.*
Sebap pepulungNa pagi kalak e bagi tangke-tangke gandum si mbaru denga ipotong, kenca si e ibaba ku ingan ngerik.*
13 O kalak Sion, tedisken janah ngeriklah,+Sebap Kuganti pagi tanduk kena jadi besi,Silu-silu kena jadi tembaga.
Hancurken kena pagi melala bangsa.+
Keuntungen si dat kalak e alu curang, ibereken kena pagi man Jahwe,Erta kalak e bereken kena man Tuhan si benar si erkuasa i belang-belang doni.”+
Cataten i teruh
^ Ntah “petunjuk.”
^ Ntah “Tading.”
^ As. “erdalan bas gelar.”
^ As. “erdalan bas gelar.”
^ Ntah “nasehatNa.”
