Miha 5:1-15
5 “O penduduk kota si ikepung,Sayati kena diri kena.
Enggo kepung musuh kita.+
Pekpek kalak e ayo hakim Israel alu tongkat.+
2 O Betlehem Eprata,+Bas kota-kota* Juda, kam kap si kitikna,Reh pagi bas kam nari kalak si Kupilih jadi penguasa bas Israel,+Enggo ndekah kel ia lit, nai-nai nari.
3 Tadingken Dibata pagi bangsaNa,Seh asa diberu si sangana melahirken e enggo dung melahirken.
Janah senina-seninana si nggeluh denga mulihken ku bangsa Israel.
4 Tedis pagi ia, permakanina biri-biri alu gegeh arah Jahwe,+Bage pe alu kemulian gelar Jahwe Dibatana.
Aman pagi kalak e tading i je,+Perban gundari kehebatenna seh ku ujung-ujung doni.+
5 Maba dame pagi ia.+
Adi serang kalak Assur negrita janah iperjakina menara-menarata si erbenteng,+Sipilih pagi guna ngelawan kalak e pitu permakan, payo, waluh peminpin arah manusia.
6 Permakani kalak e pagi negri Assur alu pedang,+Bage pe negri Namrut+ i perbatasenna.
Sanga serangna negrita, perjakina daerahta,Selamatken penguasa e pagi kita arah kalak Assur.+
7 Keturunen Jakup si nggeluh denga, lit pagi i tengah-tengah melala bangsa,Bagi namur arah Jahwe nari,Bagi udan si meder ku datas sinuan-sinuanSi la erpengarapen man manusia,Ntah pe la erpengarapen man anak manusia.
8 Keturunen Jakup si nggeluh denga lit i tengah bangsa-bangsa,I tengah-tengah enterem kalak,Bagi singa i tengah-tengah binatang liar i kerangen,Bagi singa si nguda denga i tengah rarasen biri-biri,Sanga lewat ia, jerngemna janah icabik-cabikna biri-biri e.
La lit sekalak pe si nelamatkenca.
9 Taluken kena pagi musuh-musuh kena,Kernep pagi kerina musuh kena.”
10 Nina Jahwe, “Bas wari e,Kukernepken pagi kuda-kuda kena arah tengah-tengah kena nari, Kuhancurken pagi gereta-gereta perang kena.
11 Kuhancurken pagi kota-kota si lit i negri kena,Kuruntuhken kerina ingan kena si erbenteng.
12 Kumasapken pagi ilmu sihir si lakoken kena,*Lanai pagi lit kalak si ngelakoken ilmu gaib i tengah-tengah kena.+
13 Kuhancurken pagi patung-patung ukiren kena bage pe tugu-tugu si badia kena i tengah-tengah kena,Lanai pagi kena sujud ku kai si ban kena.+
14 Kucabut pagi tiang-tiang si badia*+ kena arah tengah-tengah kena,Kumasapken pagi kota-kota kena.
15 Merawa Aku janah bas pernembeh ateKu si gara,Kubalas pagi bangsa-bangsa si la patuh.”
