Nahum 1:1-15
1 Enda berita man Niniwe.+ Isi buku enda kerna pengenehenen* Nahum* kalak Elkos:
2 Jahwe eme Dibata si mindo gelah Ia saja ngenca isembah.+
Hukum Jahwe musuh-musuhNa.
La lupakenNa perbahanen si jahat si lakoken kalak e janah merawa Ia man kalak e.+
Balas Jahwe musuh-musuhNa.
3 Jahwe labo minter merawa,+ mbelin kuasaNa,+Tapi labo tahan Jahwe hukumen si patut ibereken.+
GunakenNa angin bage pe badai si ngancurken,Embun bagi abu i teruh naheNa.+
4 SergangNa laut+ janah kerahkenNa.
Kerah banNa kerina lau maler.+
Kerah sinuan-sinuan Basan ras Karmel,+Melus bunga-bunga Libanon.
5 Gunung-gunung mugur-ugur perban Ia,Bukit-bukit cair.+
Nggirgir taneh i lebe-lebeNa,Ikut ras doni bage pe kerina si tading i je.+
6 Ise si banci tahan adi merawa Ia?+
Ise si ngasup ngadapi rawaNa si melas?+
RawaNa gara bagi api,Batu-batu hancur perban Ia.
7 Jahwe e mehuli,+ Ia ingan si aman bas masa susah.+
JagaNa* kalak si erlindung man baNa.+
8 Alu banjir si mbelin, bersih pagi sapuNa Niniwe.*
Musuh-musuhNa lit pagi bas kegelapen.
9 Kai kin si banci lakoken kena guna ngelawan Jahwe?
KernepkenNa kena pagi ngasa keri.
La perlu dua kali kernepkenNa.+
10 Serbut kalak e bagi peren si erduri,Kalak e bagi kalak si mabuk perban bir.*
Tapi keri pagi kalak e itutung bagi nggala* si kerah.
11 Lit pagi arah kena kalak si ngerencanaken kai si jahat ngelawan Jahwe,Berekenna nasehat si la erguna.
12 Bagenda nina Jahwe,
“Amin gia kalak Assur* enterem janah seh kel gegehna,Tapi ikernepken pagi kalak e janah lanai lit.*
O Juda, enggo Kuhukum kam tapi lanai bo pagi Kuhukum mulihi.
13 Gundari Kupenggelken me pasangen* si lit i kudukndu,+Janah Kuretapken kai si ngiket kam.
14 Enggo perentahken Jahwe kerna Assur, nina,‘Lanai pagi lit si nerusken gelarndu.
Kuhancurken pagi patung-patung si ipahat bage pe patung-patung logam* si lit bas ingan ersembah dibata-dibatandu.
Kuban pagi kuburen man bandu sebap kam la erguna.’
15 Kalak* si mpeseh berita si meriah erdalan i gunung-gunung,Ipesehna berita perdamen.+
O Juda, rayakenlah perayan-perayanndu,+ tepati janjindu.
Kalak jahat lanai pagi nyerang kam.
Keri pagi kalak e ikernepken.”
Cataten i teruh
^ Eme kerna kai pe si cidahken Dibata ku bas pikiren sekalak jelma.
^ Ertina “Kalak si Mereken Pengapul.”
^ Ntah “PerdiatekenNa.” As. “TandaiNa.”
^ As. “kota e.”
^ Ntah “jerami.”
^ Ntah “bir gandum.”
^ As. “kalak e.” Negri Assur ibu kotana Niniwe.
^ Ntah banci saja “janah lewat pagi ia.”
^ Pasangen eme alat si biasa itama ku kuduk manusia ntah pe binatang guna maba baban.
^ Ntah “patung tuangen.”
^ As. “Nahe kalak.”
