Nahum 2:1-13
2 Kalak si erban kam merap pagi enggo reh ngelawan kam.*+
Jagalah ingan-inganndu si ertembok.
Jagai dalan-dalan.
Ersikaplah kam, lakokenlah asa ngasupndu gelah megegeh kam erperang.
2 Sebap ulihken Jahwe pagi kemulian Jakup,Bage pe kemulian Israel,Perban musuh enggo ngancurken kalak e,+Cedaina batang anggur kalak e.
3 Megara warna perisai* pejuang-pejuangna,Megara uis prajurit-prajuritna.
Bas wari ia ersikap guna erperang,Besi gereta-gereta perangna ersinar bagi api,Janah iangkat pagi tombak-tombak si iban arah kayu juniper.
4 Gereta-gereta perang meter erdalan bas pasar-pasar.
Kiam ku jah ku je bas lapangen-lapangen kota.
Ersinar bagi obor si gara janah ersinar bagi kilap.
5 Lebuh raja pagi pejabat-pejabatna.
Tertuktuk kalak e sanga maju.
Pedas-pedas kalak e lawes ku tembokna.
Bangun kalak e pertahanen.
6 Talang pagi gerbang-gerbang lau maler,Runtuh pagi istana e.
7 Enda enggo itetapken: Itilanjangi pagi ia janah ibaba lawes.
Budak-budakna si diberu ngandung janahna mekpeki dadana.
Sorana ngandung bagi sora merpati.
8 Gedang-gedang geluhna, Niniwe+ bagi kolam lau,Tapi gundari kiam kalak e.
Lit si erlebuh, “Ngadi! Ngadi!”
Tapi la lit si mulih.+
9 Rampaslah pirak, rampaslah emas!
Ertana la keri-keri.
Dem kel barang-barang si merga i je.
10 Kota e kosong, la terurus, janah hancur!+
Pusuh kalak e jadi mbiar, tiwen kalak e lemas, nahe kalak e nggirgir,Pucat kerina ayo kalak e.
11 I ja dage ingan singa,+ i ja anak singa man?
I ja ingan singa erdalan ras anaknaSi la lit erbanca ia mbiar?
12 Cabik-cabik singa e mangsa guna anak-anakna,Terkamna mangsa guna singa-singa beruna.
Terus demina inganna alu mangsa,Inganna dem alu binatang si enggo icabik-cabik.
13 Nina Jahwe penguasa malekat, “Kulawan kam.+
Keri pagi Kututung gereta-gereta perangndu.+
Keri pagi anak-anak singandu perban pedang.
Lanai pagi kam erburu i doni,Lanai pagi terbegi sora utusen-utusenndu.”+
