Nehemia 1:1-11
1 Kata-kata Nehemia*+ anak Hakalia: Bas bulan Kislew* tahun si pe-20-ken, aku lit bas Istana* Susan.*+
2 Sanga si e, sekalak arah seninaku eme Hanani+ reh ras piga-piga dilaki arah Juda. Kusungkun kalak e kerna kalak Jahudi si nggeluh denga si enggo lanai itaban+ bage pe kerna Jerusalem.
3 Nina kalak e njawapsa, “Keadan kalak si nggeluh denga si lit i propinsi, si selamat arah tabanen nari seh kel ngerina janah erban mela.+ Tembok-tembok Jerusalem runtuh+ janah gerbang-gerbangna enggo itutung.”+
4 Kenca kubegi kerna si e, kundul aku janah tangis aku ras erceda ate piga-piga wari dekahna. Lalap aku puasa+ ras ertoto man Dibata si erkuasa i surga.
5 Ningku, “O Jahwe, Dibata si erkuasa i surga, Dibata si mulia ras si luar biasa, si nepati perjanjinNa, ras si ncidahken kekelengen si setia man kalak si engkelengi Ia ras si matuhi perentah-perentahNa.+
6 Nen min aku, begiken min toto budakNdu enda si kupeseh wari enda. Suari ras berngi kutotoken+ umatNdu Israel, kuakui dosa-dosa Israel man baNdu. Kami enggo erdosa, aku bage pe keluarga bapakku.+
7 Enggo jahat perbahanen kami man baNdu,+ la patuhi kami undang-undangNdu, perentahNdu, bage pe peraturen si berekenNdu arah Musa pelayanNdu.+
8 “Inget min kai si enggo perentahkenNdu* man Musa pelayanNdu, ‘Adi la kena setia, Kuban kena merap i tengah-tengah bangsa si deban.+
9 Tapi adi mulihken kena man bangKu janah patuhi kena perentahKu, Kupepulung kena+ amin gia enggo merap seh ku ujung doni, janah Kubaba kena ku ingan si Kupilih guna gelarKu.’+
10 BudakNdu ras umatNdu kap kalak e, si enggo tebusNdu alu kuasaNdu si mbelin bage pe tanNdu si megegeh.+
11 O Jahwe, begiken min toto budakNdu enda bage pe toto budak-budakNdu si mehamat* man gelarNdu. Mindo kel budakNdu enda, banlah aku berhasil wari enda. Mbera-mbera mekuah ate raja e aku.”+
Sanga si e aku si ngurus inemen raja.+
Cataten i teruh
^ Ertina “Jahwe Mereken Pengapul.”
^ Ntah “bas kota si ertembok i.”
^ Ntah “Susa.”
^ Ntah “Inget min persinget si berekenNdu.”
^ As. “mbiar.”
