Nehemia 10:1-39
10 Kalak si nekensa+ eme:
Nehemia sekalak gubernur* anak Hakalia,Sedekia,
2 Seraya, Asaria, Jeremia,
3 Pashur, Amaria, Malkia,
4 Hattus, Sebanya, Malluk,
5 Harim,+ Meremot, Obaja,
6 Daniel,+ Ginneton, Baruh,
7 Mesullam, Abia, Miyamin,
8 Maasia, Bilgai, ras Semaya. Kerina kalak e imam.
9 Kalak Lewi pe ikut nekensa. Kalak e eme: Jesua anak Asania, Binnui keturunen Henadad, Kadmiel,+
10 ras senina-senina kalak e eme Sebanya, Hodia, Kelita, Pelaya, Hanan,
11 Mika, Rehop, Hasabia,
12 Sakur, Serebia,+ Sebanya,
13 Hodia, Bani, ras Beniu.
14 Peminpin-peminpin bangsa e pe ikut nekensa. Kalak e eme: Paros, Pahat Moap,+ Elam, Sattu, Bani,
15 Bunni, Asgat, Bebai,
16 Adonia, Bigwai, Adin,
17 Ater, Hiskia, Asur,
18 Hodia, Hasum, Besai,
19 Harip, Anatot, Nebai,
20 Magpias, Mesullam, Hesir,
21 Mesesabel, Sadok, Jaddua,
22 Pelatia, Hanan, Anaya,
23 Hoshea, Hanania, Hassup,
24 Hallohes, Pilha, Sobek,
25 Rehum, Hasabna, Maaseya,
26 Ahia, Hanan, Anan,
27 Malluk, Harim, ras Baanah.
28 Si debanna eme imam-imam, kalak Lewi, penjaga gerbang, penyanyi-penyanyi, kalak si ngelayani bas rumah pertoton,* bage pe kerina si misahken dirina arah bangsa-bangsa i sekeliling negri e guna ngikutken Undang-Undang Dibata si benar+ radu ras diberu kalak e, anak-anak kalak e si dilaki ras si diberu, bage pe kerina kalak si erpemeteh ras erpengangka,*
29 ikut ka senina-senina kalak e, ras kalak si terpandang. Ersumpah kalak e maka kena sumpah kalak e adi la dalankenna Undang-Undang Dibata si benar, si enggo ibereken arah Musa pelayan Dibata si benar, ras adi la tuhu-tuhu patuhi kalak e kerina perentah Jahwe Tuhanta, keputusenNa, bage pe peraturenNa.
30 La bere kami anak-anak kami si diberu empoi bangsa-bangsa i sekeliling negri e, janah la buat kami anak-anak kalak ah si diberu man anak-anak kami si dilaki.+
31 Adi bangsa-bangsa i sekeliling negri e maba barang-barang ras kerina jenis biji-bijin* guna idayaken bas wari Sabat, labo tukur kami kai pe bas wari Sabat+ ntah pe bas wari si badia.+ Bas tahun si pepituken la suani kami taneh kami+ janah kerina utang hapusken kami.+
32 Iwajipken kami mereken empat gram* pirak tiap tahun guna pelayanen bas rumah* Dibata kami,+
33 guna roti persembahen,*+ guna persembahen pangan* si tetap,+ guna persembahen tutungen si tetap bas wari Sabat+ ras perayan bulan baru,+ guna perayan si enggo itetapken,+ guna kai si badia, guna persembahen dosa+ si iban guna pendamen man Israel, bage pe guna kerina pendahin bas rumah Dibata kami.
34 Iban kami ka undi guna nentuken ndigan bas tahun e tiap keluarga bapak arah imam-imam, kalak Lewi, ras rakyat maba kayu ku rumah Dibata kami tiap tahun. Kayu e guna itutung bas ingan nutung* persembahen Jahwe Dibata kami bagi si itulis bas Undang-Undang.+
35 Tiap tahun, baba kami ka ku rumah Jahwe hasil pertama arah taneh kami bage pe hasil pertama arah kerina jenis buah batang kayu,+
36 bage ka pe anak-anak kami sintua si dilaki ras anak si pertama arah asuh-asuhen kami,+ bagi si itulis bas Undang-Undang, bage pe anak si pertama arah rarasen lembu, kambing, ras biri-biri kami. Baba kami e ku rumah Dibata kami, eme ku imam-imam si ngelayani bas rumah Dibata kami.+
37 Bage ka pe hasil pertama arah tepung kasar kami,+ sumbangen kami, buah arah tiap jenis batang kayu,+ anggur si mbaru, ras minak,+ arus baba kami e ku imam-imam, ku gudang-gudang* bas rumah Dibata kami.+ Sepersepuluh arah hasil juma kami bereken kami man kalak Lewi,+ perban kalak Lewi si mpepulung sepersepuluh hasil e arah kerina kota perjuman kami.
38 Imam-imam keturunen Harun arus nemani kalak Lewi sanga kalak Lewi mpepulung sepersepuluh e. Sepersepuluh arah sepersepuluhen e arus baba kalak Lewi ku rumah Dibata kami+ eme ku ruangen-ruangen* i gudang.
39 Ku gudang-gudang* e me kalak Israel ras keturunen Lewi maba sumbangen+ biji-bijin,* anggur si mbaru, ras minak.+ I je lit peralaten guna ingan si badia, bage pe imam-imam si ngelayani, kalak si njaga gerbang, ras penyanyi-penyanyi. Pasti perdiateken kami rumah Dibata kami.+
Cataten i teruh
^ Ntah “Tirsata.” Bas bahasa Persia, enda gelar jabaten gubernur bas sada propinsi.
^ Ntah “kalak Netinim.” As. “kalak si ibereken.”
^ Ntah banci saja “kerina kalak si cukup umurna guna ngangkai.”
^ Ntah “rumah pertoton.”
^ Ntah “roti lapis.”
^ Ntah “ruangen-ruangen ingan man.”
^ Ntah “ruangen-ruangen ingan man.”
^ Ntah “ruangen-ruangen ingan man.”
