Nehemia 11:1-36
-
Mulihi ka rakyat tading i Jerusalem (1-36)
11 Peminpin-peminpin bangsa e tading i Jerusalem.+ Tapi si debanna erban undi+ guna nentuken sekalak arah sepuluh kalak si tading i Jerusalem, kota si badia e. Si siwah nari tading i kota-kota si deban.
2 Janah pindo bangsa e pasu-pasu Dibata guna kalak si nggit tading i Jerusalem.
3 Enda me peminpin-peminpin propinsi si tading i Jerusalem. (Tapi kalak Israel si debanna, imam-imam, kalak Lewi, kalak si ngelayani bas rumah pertoton,*+ bage pe keturunen pelayan-pelayan Salomo,+ tading bas kota-kota si deban i Juda, masing-masing bas tanehna i kotana.+
4 Piga-piga kalak Juda ras Benyamin pe tading ka i Jerusalem.) Arah kalak Juda eme Ataya (Ataya e anak Ussia, Ussia e anak Sakaria, Sakaria e anak Amaria, Amaria e anak Sepatia, Sepatia e anak Mahalalel, Mahalalel e keluarga Peres)+
5 ras Maaseya (Maaseya e anak Baruh, Baruh e anak Kolhose, Kolhose e anak Hasaya, Hasaya e anak Adaya, Adaya e anak Joyarip, Joyarip e anak Sakaria, Sakaria e keturunen Sela).
6 Lit 468 kalak keturunen Peres si tading i Jerusalem. Kerina kalak e dilaki si banci iandalken.
7 Arah kalak Benyamin eme Sallu (Sallu+ e anak Mesullam, Mesullam e anak Joed, Joed e anak Pedaya, Pedaya e anak Kolaya, Kolaya e anak Maaseya, Maaseya e anak Itiel, Itiel e anak Jesaia).
8 Selain Sallu lit ka Gabbai ras Sallai. Kerina lit 928 kalak.
9 Pengawas kalak e eme Joel anak Sikri. Janah kalak si nomor dua erkuasa bas kota e eme Juda anak Hassenua.
10 Arah imam-imam eme Jedaya anak Joyarip, Jakin,+
11 Seraya (Seraya e anak Hilkia, Hilkia e anak Mesullam, Mesullam e anak Sadok, Sadok e anak Merayot, Merayot e anak Ahitup,+ sekalak peminpin bas rumah* Dibata si benar),
12 bage pe senina-senina kalak e si erdahin bas rumah e. Kerina lit 822 kalak. Selain si e lit ka Adaya (Adaya e anak Jeroham, Jeroham e anak Pelalia, Pelalia e anak Amsi, Amsi e anak Sakaria, Sakaria e anak Pashur, Pashur+ e anak Malkia)
13 ras senina-seninana, eme peminpin-peminpin arah keluarga bapak. Kerina lit 242 kalak. Lit ka Amassai (Amassai e anak Asarel, Asarel e anak Ahsai, Ahsai e anak Mesilemot, Mesilemot e anak Immer)
14 ras senina-seninana eme kalak si megegeh ras perpang. Kerina lit 128 kalak. Pengawas kalak e eme Sabdiel. Ia arah keluarga si terpandang.
15 Arah kalak Lewi eme Semaya+ (Semaya e anak Hassup, Hassup e anak Asrikam, Asrikam e anak Hasabia, Hasabia e anak Bunni),
16 lit ka Sabbetai+ ras Josabat,+ eme peminpin-peminpin kalak Lewi. Kalak e ngawasi pendahin si deban si lit hubungenna ras rumah Dibata si benar.
17 Selain si e lit ka Mattania+ si minpin lagu pujin, eme lagu pujin sanga ertoto.+ (Mattania e anak Miha, Miha e anak Sabdi, Sabdi e anak Asap.)+ Lit ka Bakbukia si nampati Mattania, janah lit ka Abda (Abda e anak Sammua, Sammua e anak Galal, Galal e anak Jedutun).+
18 Kerina kalak Lewi si lit bas kota si badia e teremna lit 284 kalak.
19 Kalak si njaga gerbang eme Akkub, Talmon,+ ras senina-senina kalak e si terus erjaga i gerbang. Kerina lit 172 kalak.
20 Kalak Israel si debanna, imam-imam, ras kalak Lewi tading i kota-kota Juda si deban, masing-masing bas taneh warisenna.
21 Kalak si ngelayani bas rumah pertoton*+ tading i Opel.+ Si ngawasi kalak e eme Siha ras Gispa.
22 Pengawas kalak Lewi bas Jerusalem eme Ussi (Ussi e anak Bani, Bani e anak Hasabia, Hasabia e anak Mattania, Mattania+ e anak Mika arah keluarga Asap, eme penyanyi-penyanyi). Ia si ngawasi pendahin si ilakoken bas rumah Dibata si benar.
23 Lit perentah arah raja guna penyanyi-penyanyi,+ emaka kalak e ratur dat jatah menurut keperlun kalak e tiap wari.
24 Janah penasehat raja bas kerina persoalen rakyat eme Petahia anak Mesesabel arah keturunen Sera anak Juda.
25 Enda me daftar ingan tading kalak e ras juma-jumana: Piga-piga kalak Juda tading i Kiryat Arba+ ras kota-kota i sekitarna, i Dibon ras kota-kota i sekitarna, i Jekabseel+ ras kuta-kuta i sekitarna,
26 i Jesua, i Molada,+ i Betpelet,+
27 i Hasar Sual,+ i Berseba ras kota-kota i sekitarna,
28 i Siklak,+ i Mekona ras kota-kota i sekitarna,
29 i Enrimmon,+ i Sora,+ i Jarmut,
30 i Sanoah,+ i Adulam ras kuta-kuta i sekitarna, i Lakis+ ras juma-jumana, bage pe i Aseka+ ras kota-kota i sekitarna. Kalak e tading* mulai Berseba nari seh ku Lembah Hinnom.+
31 Kalak Benyamin tading i Geba,+ i Mikmas, i Ai, i Betel+ ras kota-kota i sekitarna,
32 i Anatot,+ i Nop,+ i Anania,
33 i Hasor, i Rama,+ i Gittaim,
34 i Hadid, i Seboim, i Neballat,
35 i Lod, ras i Ono+ eme lembah tukang si ahli.
36 Piga-piga kelompok kalak Lewi arah Juda itugasken gelah tading i Benyamin.
Cataten i teruh
^ Ntah “kalak Netinim.” As. “kalak si ibereken.”
^ Ntah “rumah pertoton.”
^ Ntah “Kalak Netinim.” As. “Kalak si ibereken.”
^ Ntah “erkemah.”
