Nehemia 12:1-47
12 Enda me imam-imam ras kalak Lewi si lawes ras Serubabel+ anak Sealtiel+ bage pe ras Jesua:+ Seraya, Jeremia, Esra,
2 Amaria, Malluk, Hattus,
3 Sekanya, Rehum, Meremot,
4 Iddo, Ginnetoi, Abia,
5 Miyamin, Maadia, Bilga,
6 Semaya, Joyarip, Jedaya,
7 Sallu, Amok, Hilkia, ras Jedaya. Enda ndai me peminpin-peminpin imam ras senina-senina kalak e bas jaman Jesua.
8 Kalak Lewi eme Jesua, Binnui, Kadmiel,+ Serebia, Juda, ras Mattania.+ Mattania ras senina-seninana si minpin lagu pengatan bujur.
9 Bakbukia ras Unni senina-senina kalak e, tedis i lebe-lebe kalak e guna erjaga.*
10 Jesua eme bapak Joyakim, Joyakim eme bapak Eliasip, Eliasip+ eme bapak Joyada.+
11 Joyada eme bapak Jonatan, janah Jonatan eme bapak Jaddua.
12 Bas jaman Joyakim, enda me imam-imam, peminpin-peminpin keluarga bapak: arah keluarga Seraya+ eme Meraya, arah keluarga Jeremia eme Hanania,
13 arah keluarga Esra+ eme Mesullam, arah keluarga Amaria eme Jehohanan,
14 arah keluarga Malluki eme Jonatan, arah keluarga Sebanya eme Jusup,
15 arah keluarga Harim+ eme Adna, arah keluarga Merayot eme Helkai,
16 arah keluarga Iddo eme Sakaria, arah keluarga Ginneton eme Mesullam,
17 arah keluarga Abia+ eme Sikri, arah keluarga Miniamin eme . . . ,* arah keluarga Moadia eme Piltai,
18 arah keluarga Bilga+ eme Sammua, arah keluarga Semaya eme Jehonatan,
19 arah keluarga Joyarip eme Mattenai, arah keluarga Jedaya+ eme Ussi,
20 arah keluarga Sallai eme Kallai, arah keluarga Amok eme Eber,
21 arah keluarga Hilkia eme Hasabia, janah arah keluarga Jedaya eme Netanel.
22 Peminpin-peminpin keluarga bapak arah kalak Lewi bage pe imam-imam icatat bas jaman Eliasip, Joyada, Johanan, ras Jaddua,+ seh ku pemerentahen Darius raja Persia.
23 Peminpin-peminpin arah keluarga bapak kalak Lewi icatat bas buku sejarah bas jaman e seh ku jaman Johanan anak Eliasip.
24 Peminpin-peminpin kalak Lewi eme Hasabia, Serebia, ras Jesua+ anak Kadmiel.+ Senina-senina kalak e tedis i lebe-lebe kalak e guna muji ras ngata bujur man Dibata bagi petunjuk Daud+ pelayan Dibata si benar. Sada kelompok jaga lit i sebelah kelompok jaga si deban.
25 Mattania,+ Bakbukia, Obaja, Mesullam, Talmon, ras Akkub+ ertugas jadi penjaga gerbang,+ si njaga gudang-gudang i deher gerbang.
26 Kalak enda ertugas bas jaman Joyakim anak Jesua+ kempu Josadak, bage pe bas jaman Gubernur Nehemia ras Esra+ sekalak imam ras penulis.*
27 Sanga tembok Jerusalem iresmiken, idarami me kalak Lewi janah kalak e ibaba ku Jerusalem arah kerina ingan kalak e tading. Kalak e ibaba guna perayan ngeresmiken tembok e alu ermeriah ukur, lagu pengatan bujur,+ simbal, alat musik si ersenar, bage pe harpa.*
28 Penyanyi-penyanyi si terlatih* pulung arah daerah i deher Jordan,* arah sekeliling Jerusalem, arah kuta-kuta kalak Netopa,+
29 arah Betgilgal,+ bage pe arah juma-juma Geba+ ras Asmawet,+ perban enggo iban penyanyi-penyanyi e kuta-kutana i sekitar Jerusalem.
30 Pebadia imam-imam ras kalak Lewi me dirina, pebadiana ka rakyat,+ gerbang-gerbang,+ bage pe tembok.+
31 Kenca si e, kubaba peminpin-peminpin Juda nangkih ku datas tembok. Kuaturken ka gelah lit dua kelompok kalak si rende. Kelompok e seh kel teremna guna ngendeken lagu pengatan bujur. Arah pudi tiap kelompok si rende lit sada kelompok si ngikutkenca. Kelompok si pertama erdalan arah kanan i datas tembok ku Gerbang Abu si Ergun-gun.*+
32 Hosaya ras setengah peminpin Juda erdalan arah pudi kalak e,
33 radu ras Asaria, Esra, Mesullam,
34 Juda, Benyamin, Semaya, ras Jeremia.
35 Lit ka piga-piga keturunen imam si ngembus trompet+ ras kalak e eme Sakaria (Sakaria e anak Jonatan, Jonatan e anak Semaya, Semaya e anak Mattania, Mattania e anak Mikaya, Mikaya e anak Sakur, Sakur e anak Asap),+
36 bage pe senina-seninana eme Semaya, Asarel, Milalai, Gilalai, Maai, Netanel, Juda, ras Hanani. Kalak enda me pemain alat-alat musik Daud+ pelayan Dibata si benar. Esra+ penulis* e erdalan i lebe-lebe kalak e.
37 I Gerbang Mata Lau+ pinter kalak e erdalan, naik kalak e arah Tangga+ Kota Daud+ alu ngelewati dalan si nangkeng i tembok i datas Istana Daud, seh ku Gerbang Lau+ i sebelah timur.
38 Kelompok kalak si rende si sada nari si ngendeken lagu pengatan bujur erdalan ku arah si berlawanen, janah kuikuti kalak e radu ras setengah kelompok si debanna i datas tembok ngelewati Menara Pemanggang*+ seh ku Tembok si Mbelang.+
39 Jenari naik kami ngelewati Gerbang Eperaim+ seh ku Gerbang Kota Tua,+ Gerbang Ikan,+ Menara Hananel,+ Menara Meah seh ku Gerbang Biri-Biri,+ kenca si e ngadi i Gerbang Penjaga.
40 Dungna, duana kelompok kalak si rende si ngendeken lagu pengatan bujur e tedis i lebe-lebe rumah Dibata si benar, ikut ka aku bage pe setengah arah pejabat-pejabat si lit ras aku.
41 Ikut ka imam-imam eme Eliakim, Maaseya, Miniamin, Mikaya, Elyoenai, Sakaria, ras Hanania si ngembus trompet,
42 bage pe Maaseya, Semaya, Eleasar, Ussi, Jehohanan, Malkia, Elam, ras Eser. Penyanyi-penyanyi e rende alu sora si megang janah Isra si minpinsa.
43 Bas wari e, melala kel persembahken kalak e korban janah meriah ukur kalak e,+ sebap Dibata si benar erban meriah ukur kalak e alu keriahen ukur si mbelin. Diberu ras anak-anak pe ikut ermeriah ukur+ janah keriahen ukur i Jerusalem terbegi ku ingan si ndauh.+
44 Bas wari e, lit kalak si itugasken guna ngawasi gudang-gudang+ ingan sumbangen,+ hasil rani si pertama,+ ras persepuluhen.+ Ku gudang-gudang e me arus pepulung kalak e jatah imam-imam ras kalak Lewi+ arah juma i kota-kota menurut Undang-Undang.+ Lit keriahen si mbelin i Juda perban imam-imam ras kalak Lewi si ngelayani.
45 Mulai dalanken kalak e tugas arah Dibata kalak e bage pe tugas guna mpebadiaken. Penyanyi-penyanyi ras penjaga gerbang pe bage ilakokenna, bagi petunjuk Daud ras anakna eme Salomo.
46 Mbarenda bas jaman Daud ras Asap, lit peminpin-peminpin penyanyi janah lit ka lagu pujin ras pengatan bujur man Dibata.+
47 Bas jaman Serubabel+ ras jaman Nehemia, kerina kalak Israel mereken jatah penyanyi-penyanyi+ ras penjaga gerbang+ menurut keperlunna tiap wari. Serapken kalak e jatah man kalak Lewi,+ janah kalak Lewi serapkenna ka jatah man keturunen Harun.
Cataten i teruh
^ Ntah banci saja “kalak e sanga ngelayani.”
^ Bas tulisen Heber enggo ihapus sada gelar i jenda.
^ Ntah “penyalin.”
^ Harpa eme alat musik si ersenar bagi gitar, tapi bentukna beda.
^ As. “Keturunen penyanyi-penyanyi.”
^ Maksudna, daerah i sekeliling Jordan.
^ Ntah “Gerbang Sampah.”
^ Ntah “penyalin.”
^ Ntah “Menara Ginuhur.”
