Nehemia 3:1-32
-
Tembok ibangun mulihi (1-32)
3 Imam si Mbelin Eliasip+ bage pe senina-seninana eme imam-imam, mulai mbangun Gerbang Biri-Biri.+ Pebadia kalak e gerbang e+ janah pasang kalak e pintu-pintuna. Pebadiana e seh ku Menara Meah+ ras seh ku Menara Hananel.+
2 I sebelahna, kalak Jeriho+ si mbangunsa. Sebelahna ka, Sakur anak Imri si mbangunsa.
3 Keturunen Hassenaa mbangun Gerbang Ikan.+ Pasang kalak e rangka-rangka kayuna,+ kenca si e pasang kalak e pintu-pintuna, gerendel-gerendelna, ras palang-palangna.
4 Sebelahna ka, Meremot+ anak Uria kempu Hakkos si mpekena tembok si ceda. Sebelahna ka, Mesullam+ anak Berehia kempu Mesesabel si mpekenasa. Janah i sebelahna ka, Sadok anak Baana si mpekenasa.
5 I sebelahna, kalak Tekoa+ si mpekenasa, tapi kalak si terpandang arah kalak e la nggit erdahin ngikutken petunjuk pengawas-pengawasna.
6 Yoyada anak Paseah ras Mesullam anak Besodeya mpekena Gerbang Kota Tua.+ Pasang kalak e rangka-rangka kayuna, kenca si e pasang kalak e pintu-pintuna, gerendel-gerendelna, ras palang-palangna.
7 I sebelahna, Melatia kalak Gibeon+ ras Jadon kalak Meronot si mpekena tembok si ceda. Kalak e eme kalak Gibeon ras Mispa+ si iperentah gubernur daerah sebelah barat Lau Eprat.*+
8 I sebelahna, Ussiel anak Harhaya si mpekenasa. Ussiel e tukang emas. I sebelahna, Hanania si mpekenasa. Hanania e peracik minak wangi. Pasang kalak e batu mulai Jerusalem nari seh ku Tembok si Mbelang.+
9 I sebelahna, Repaya anak Hur si mpekenasa. Repaya e penguasa setengah daerah Jerusalem.
10 I sebelahna, Jedaya anak Harumap si mpekenasa, eme bagin si lit i lebe-lebe rumahna. Janah i sebelahna, Hattus anak Hasabneya si mpekenasa.
11 Malkia anak Harim+ ras Hassup anak Pahat Moapa+ mpekena bagin si deban* ras mpekena Menara Pemanggang.*+
12 I sebelahna, Salum anak Hallohes ras anak-anakna si diberu si mpekenasa. Salum e penguasa setengah daerah Jerusalem.
13 Hanun ras penduduk Sanoa+ mpekena Gerbang Lembah.+ Ban kalak e gerbang e jenari pasangna pintu-pintuna, gerendel-gerendelna, ras palang-palangna. Ipekena kalak e ka tembok ngasa kira-kira 445 meter* seh ku Gerbang Abu si Ergun-gun.*+
14 Malkia anak Rehap, eme penguasa daerah Bet Hakkerem,+ si mpekena Gerbang Abu si Ergun-gun. Ibanna gerbang e jenari pasangna pintu-pintuna, gerendel-gerendelna, ras palang-palangna.
15 Salun anak Kolhose mpekena Gerbang Mata Lau.+ Salun e penguasa daerah Mispa.+ Banna gerbang e bage pe atapna, pasangna pintu-pintuna, gerendel-gerendelna, ras palang-palangna. Pekenana ka tembok Kolam Saluren Lau*+ seh ku Taman Raja,+ janah seh ku Tangga+ si ku teruh arah Kota Daud.+
16 Kenca ia, Nehemia anak Asbuk, eme penguasa setengah daerah Betsur,+ mpekena mulai arah lebe-lebe Kuburen Daud*+ seh ku kolam+ si enggo iban janah seh ku Rumah Prajurit-Prajurit.
17 I sebelahna, Rehum anak Bani si mpekenasa, ia kalak Lewi. I sebelahna ka, Hasabia si mpekenasa, ia penguasa setengah daerah Keila.+ Si ipekenana e daerahna.
18 I sebelahna, senina-seninana si mpekenasa eme Bawi anak Henadad, penguasa setengah daerah Keila.
19 I sebelahna, Eser anak Jesua+ si mpekenasa. Si ipekenana eme bagin i lebe-lebe dalan nangkeng ku Gudang Senjata i Tiang Penyangga.+ Eser e penguasa Mispa.
20 I sebelahna, Baruh anak Sabbai+ si mpekenasa, semangat kel ia erdahin. Bagin si ipekenana mulai Tiang Penyangga seh ku pintu masuk rumah Imam si Mbelin Eliasip.+
21 I sebelahna, Meremot+ anak Uria kempu Hakkos si mpekenasa. Bagin si ipekenana mulai pintu masuk rumah Eliasip seh ku ujung rumah Eliasip.
22 I sebelahna, imam-imam arah daerah Jordan*+ si mpekenasa.
23 I sebelahna, Benyamin ras Hassup si mpekenasa. Si ipekena kalak e eme bagin i lebe-lebe rumahna. I sebelahna, Asaria anak Maaseya kempu Anania si mpekenasa. Si ipekenana eme bagin si lit i deher rumahna.
24 I sebelahna, Binnui anak Henadad si mpekenasa. Bagin si ipekenana mulai rumah Asaria nari seh ku Tiang Penyangga+ bage pe seh ku sudut tembok.
25 I sebelahna, Palal anak Usai si mpekenasa. Bagin si ipekenana eme bagin si lit i lebe-lebe Tiang Penyangga ras menara si lit i Istana Raja.+ Enda bagin arah datas si lit bas Halamen Penjaga.+ I sebelahna, Pedaya anak Paros+ si mpekenasa.
26 Kalak si ngelayani bas rumah pertoton*+ si tading i Opel+ mpekena tembok seh ku lebe-lebe Gerbang Lau+ si lit i sebelah timur bage pe menara si mis teridah arah tembok.
27 I sebelahna, kalak Tekoa+ si mpekenasa, mulai arah lebe-lebe menara si galang si mis teridah arah tembok seh ku menara Opel.
28 Bagin si lit i datas Gerbang Kuda,+ imam-imam si mpekenasa. Masing-masing mpekena tembok i lebe-lebe rumahna.
29 I sebelahna, Sadok+ anak Immer si mpekenasa, eme i lebe-lebe rumahna.
I sebelahna ka, Semaya anak Sekanya si mpekenasa. Semaya e penjaga Gerbang Timur.+
30 I sebelahna si mpekenasa eme Hanania anak Selemia ras Hanun anak Salap si peenemken.
I sebelahna ka, Mesullam+ anak Berehia si mpekenasa. Bagin si ipekenana eme si lit i lebe-lebe rumahna.*
31 I sebelahna ka, Malkia si mpekenasa. Ia anggota kelompok tukang emas. Ipekenana seh ku rumah kalak si ngelayani bas rumah pertoton*+ bage pe rumah perbinaga, eme si lit i lebe-lebe Gerbang Pemereksan janah seh ku ruangen atap si lit i sudut.
32 Janah antara ruangen atap ras Gerbang Biri-Biri,+ tukang-tukang emas ras perbinaga si mpekenasa.
Cataten i teruh
^ Ntah “daerah Trans-Eprat (Sebrang Lau).”
^ Ntah “Menara Ginuhur.”
^ Ntah “bagin si enggo iukur.”
^ Ntah “Gerbang Sampah.”
^ Ntah “Kolam Sela.”
^ Mungkin maksudna kuburen Daud bage pe raja-raja Juda.
^ Ntah banci saja “arah daerah i deherna.”
^ Ntah “Kalak Netinim.” As. “Kalak si ibereken.”
^ Ntah “ruangenna.”
^ Ntah “kalak Netinim.” As. “kalak si ibereken.”
