Pengerana 1:1-18
1 Kata-kata Pengerana,*+ anak Daud, raja i Jerusalem.+
2 Nina Pengerana e, “Sia-sia!
Sia-sia! Sia-sia kerina!”+
3 Manusia kerja keras i teruh langit,Tapi kai kin hasil kerina kerja kerasna e?+
4 Sada keturunen reh janah sada keturunen lawes,Tapi doni tetap bas inganna seh rasa lalap.+
5 Matawari terbit janah terbenam,Jenari meter ia mulihken ku inganna terbit.+
6 Angin rembus ku selatan janah mutar ku utara,Erputar-putar ia lalap, angin terus erputar bas inganna.
7 Kerina lau maler* ku laut perlawesna, tapi laut la pernah dem.+
Ja nari lau maler e maler, mulihken ka ku je, jenari maler ka mulihi.+
8 Kerina tuhu-tuhu erban latih.
La lit si ngasup njelaskenca.
Mata la pernah puas ngenen,Cuping la pernah puas megi.
9 Si enggo pernah lit, e ka pagi si lit,Si enggo pernah ilakoken, e ka pagi si ilakoken,La lit si mbaru i teruh matawari.+
10 Lit kin si banci ngataken, “Nen enda, lit si mbaru”?
Si e enggo lit mbarenda nari,Si e enggo lit sope jamanta.
11 Kalak si mbarenda, la lit si ngingetsa.
Bage pe kalak si pudin reh,Kalak e pe labo pagi inget kalak si nandangi reh.+
12 Aku, Pengerana e, enggo jadi raja Israel bas Jerusalem.+
13 Alu kepentarenku, enggo kutetapken ukurku guna mpelajari ras ngukuri+ kerina si ilakoken i teruh langit,+ eme pendahin si erban latih, si ibere Dibata man anak-anak manusia, si erban kalak e sibuk.
14 Enggo kuidah kerina pendahin si ilakoken i teruh matawari.
Situhuna si e kerina sia-sia bagi ngayaki angin.+
15 Si bengkok, la banci ilurusken,Si la lit, la mungkin banci ikira.
16 Rukur aku, ningku, “Mbue kepentarenku, buen asangken kalak si nggeluh sope lenga aku i Jerusalem.+ Enggo kudat mbue kepentaren ras pemeteh.”+
17 Enggo tutus ateku ngangkai kepentaren, si la masuk akal, bage pe kebodohen.+ Enda pe bagi ngayaki angin.
18 Sebap reh buena kepentaren, reh buena si erban latih ukur,Janah ise pe si nambahi pemeteh, nambahi kesusahen.+
