Pengerana 10:1-20
10 Laneng si mate banci erban mbau minak wangi janah rugup. Bage ka me sitik kebodohen ncedai kepentaren ras kemulian.+
2 Pusuh kalak si pentar mabai ia ku dalan si benar, tapi pusuh kalak motu mabai ia ku dalan si salah.+
3 Bas dalan si apai pe kalak motu erdalan, pusuhna tetap motu,+ janah banna kerina kalak meteh maka ia motu.+
4 Adi merawa penguasa man bandu, ula tadingken inganndu+ sebap dosa si mbelin banci ipedauh adi tetap kam tenang.+
5 Enggo kuidah kesusahen si terjadi i teruh matawari. Kesalahen enda biasa ilakoken kalak si erkuasa:+
6 Kalak motu ibere keduduken si meganjang, tapi kalak si beluh* tetap rendah kedudukenna.
7 Enggo kuidah pelayan-pelayan nangkih kuda, tapi kalak si lit kedudukenna erdalan bagi pelayan.+
8 Kalak si nggali lubang banci ndabuh ku bas,+ kalak si ngeruntuhken tembok batu banci tagut nipe.
9 Kalak si erdahin bas tambang batu banci terluka, janah kalak si mbelah kayu banci kena bahaya.*
10 Adi kapakndu la ntelap janah la garutndu, mesera akapndu erdahin. Tapi kepentaren erban kam berhasil.
11 Adi nipe nagut ope lenga ipelemuk alu mantra, la lit gunana lit pawang nipe.
12 Ranan kalak pentar erban meriah ukur,+ tapi ranan kalak motu erban ia hancur.+
13 Ranan si pertama arah kalak motu eme kebodohen,+ janah rananna si terakhir la masuk akal ras erban cilaka.
14 Kalak motu lalap ngeranai.+
Manusia la tehna kai pagi si terjadi. Ise si banci ngataken man bana kai pagi si lit kenca ia?+
15 Kerja keras kalak motu erban latih kapna, sebap dalan ku kota pe la tehna.
16 Cilaka kap negri si rajana anak-anak+ janah pejabatna man ras minem mulai pagi-pagi nari!
17 Ermeriah ukur kap negri si rajana keturunen bangsawan janah pejabatna man bas waktuna guna ndatken gegeh labo guna mabuk-mabuk!+
18 Adi kisat kel sekalak jelma, atap rumahna pe ceda, janah adi la lakokenna kai pe, atap rumahna banci bocor.+
19 Pangan isikapken gelah erban tawa, janah anggur erban kegeluhen reh riahna.+ Tapi sen ncukupi kerina keperlun.+
20 Ula sumpahi raja,+ bas ukurndu* pe ula. Ula sumpahi kalak bayak, bas kamarndu pe ula. Sebap perik banci mpeseh rananndu janah binatang si erkabeng banci ngataken mulihi kai si katakenndu.
Cataten i teruh
^ Ntah “kalak bayak.”
^ Ntah banci saja “mbelah kayu arus hati-hati.”
^ Ntah banci saja “bas ingan medemndu.”
