Pengerana 5:1-20
5 Perdiatekenlah langkahndu sanga kam lawes ku rumah Dibata si benar.+ Ulin kam reh guna megiken+ asangken mereken korban bagi si lakoken kalak motu,+ si la tehna maka si lakokenna e la mehuli.
2 Ula kam metersa ngerana, janah ukuri lebe bas pusuhndu kai si katakenndu i lebe-lebe Dibata si benar.+ Sebap Dibata ringan i surga tapi kam i doni. Emaka ula kam mbuesa ngerana.+
3 Mbuesa urusen erban nipi-nipin,+ janah mbuesa ngerana erban reh buena kata-kata si motu.+
4 Adi erjanji kam man Dibata, mislah tepati.+ La ngena ateNa kalak si motu.+ Emaka kai si enggo janjikenndu, tepatilah.+
5 Ulin kam la erjanji, asangken erjanji kam tapi la tepatindu.+
6 Ula pediat babahndu erban kam erdosa,+ janah ula kataken i lebe-lebe malekat* maka kam silap.+ Ula sempat Dibata si benar merawa janah hancurkenNa pendahinndu perban kai si katakenndu.+
7 Bali bagi mbuesa urusen si erban nipi-nipin,+ bage ka pe mbuesa ngerana la lit gunana. Tapi mbiarlah man Dibata si benar.+
8 Adi lit idahndu pejabat si nindas kalak mesera janah la ia adil ras la bujur bas daerahna, ula atendu mamang kerna si e.+ Sebap pejabat si ganjangen pangkatna sangana mperdiateken ia. Lit denga si ganjangen pangkatna asangken kalak e.
9 Hasil juma pe ibagi-bagiken man kalak e kerina. Raja pe nggeluh perban hasil juma e.+
10 Kalak si engkelengi sen la pernah puas perban sen, janah kalak si engkelengi kebayaken la pernah puas perban penghasilen.+ Enda pe sia-sia.+
11 Adi reh buena erta, reh buena ka si ngkeriken.+ Kai gunana e man si mpuna? Natap-natap saja ngenca ia.+
12 Kalak si ngelayani entabeh pertunduhna, la soal sitik ntah mbue ia man, tapi kalak bayak la banci tunduh perban mbue ertana.
13 Enda me masalah si seh kel beratna si kuidah i teruh matawari: Erta si ipepulung kalak ngerugiken bana.
14 Kebayaken bene perban usahana la berhasil. Sanga lit anakna, la lit si banci iwariskenna.+
15 Sekalak jelma tilanjang sanga ndarat arah beltek mamakna, bage ka me ia lawes, bali bagi sanga ia reh.+ Kai pe la banci babana arah kerina hasil kerja kerasna.+
16 Enda pe masalah si seh kel beratna: Bali bagi sanga ia reh, bage ka pagi ia lawes. Kai untungna kerja keras si bali bagi ngayaki angin?+
17 Selain si e, man ia tiap wari bas kegelapen, janah latih ukurna, mesui akapna, janah merawa atena.+
18 Kuidah maka enda kap si mehuli ras si cocok ilakoken: Ulin kalak man ras minem, ngenanami hasil kerja kerasna ras pendahinna+ i teruh matawari segedang geluhna si gendek e, si ibereken Dibata si benar. Sebap e kap upahna.*+
19 Bage pe, adi ibere Dibata si benar kebayaken ras erta man sekalak jelma+ ras kesempaten guna ngenanamisa, arus alokenna upahna* janah ermeriah ukur ia bas kerja kerasna. Enda pemere arah Dibata.+
20 La perdiatekenna* wari-wari si enggo idalanina, perban iban Dibata ia lalap sibuk alu keriahen bas ukurna.+
