Pengerana 7:1-29
7 Ulin gelar si merim asangken minak si mejile,+ janah ulin wari kematen asangken wari kelahiren.
2 Ulin lawes ku rumah kalak si rate ceda asangken ku rumah kalak si erpesta,+ sebap e me kedungen kerina jelma. Kalak si nggeluh denga arus ingetna kerna si e bas pusuhna.
3 Ulin sedih asangken tawa,+ sebap ayo si berjut erban pusuh reh ulina.+
4 Pusuh kalak pentar lit i rumah kalak si erceda ate, tapi pusuh kalak si motu lit bas ingan tawa-tawa.+
5 Ulin megiken persinget arah kalak pentar+ asangken pujin arah kalak motu.
6 Sebap sora tawa kalak motu bagi sora peren duri si itutung i teruh kudin.+ Enda pe sia-sia.
7 Kalak pentar banci adon perban itindas, janah perukuren banci ceda perban sogok.+
8 Kai pe ulin kap kedungenna asangken bena-benana. Ulin sabar asangken sombong.+
9 Ula meter tersinggung,+ sebap perasan tersinggung ringan bas pusuh kalak motu.*+
10 Ula nindu, “Engkai maka jaman si mbarenda ulin asangken jaman si gundari?” Sebap e labo penungkunen kalak pentar.+
11 Mehuli kap adi kalak pentar ndatken warisen. Kepentaren e erguna man kalak si nggeluh.
12 Kepentaren eme perlindungen+ bali bagi sen banci ngelindungi.+ Tapi ise si lit kepentaren ras pemeteh bas ia, si e erguna njagai geluhna.+
13 Perdiatekenlah kai si ilakoken Dibata si benar. Ise si ngasup pepinter kai si bengkokkenNa?+
14 Bas wari si mehuli, ukurilah si mehuli e,+ tapi bas wari si dem kesusahen, ingetlah maka si e duana ipediat Dibata terjadi.+ Gelah la pernah teh manusia kai pagi si terjadi man bana.+
15 Segedang geluhku si sia-sia+ enda enggo kuidah kerinana. Mulai arah kalak benar si lesap amin pe bujur geluhna,+ seh ku kalak jahat si gedang umurna amin pe ia jahat.+
16 Ula mehulisa+ ntah pe pentarsa.+ Engkai maka hancurkenndu bandu?+
17 Ula jahatsa ntah pe motusa.+ Engkai maka kam arus mate ope lenga waktuna?+
18 Mehuli kap adi ikutkenndu nasehat si pertama janah la lupakenndu nasehat si peduaken,+ sebap kalak si mbiar man Dibata patuh man duana nasehat e.
19 Kepentaren erban kalak si pentar gegehen asangken sepuluh dilaki si megegeh bas sada kota.+
20 Sebap la lit kalak si bujur bas doni si lalap erban si mehuli janah la pernah erban dosa.+
21 Selain si e, ula padah latihsa akapndu ngukuri kerina ranan kalak,+ gelah la begindu isumpahi pelayanndu kam.
22 Sebap tehndu kap maka kam pe rusur nge numpahi kalak.+
23 Enggo kuuji kerina e alu kepentarenku janah ningku, “Pentar pagi aku.” Tapi la terban aku.
24 Kai si lit e ndauhsa janah mbagessa. Ise si ngasup ngangkaisa?+
25 Kutetapken pusuhku guna meteh, mereksa, ras mpelajari kepentaren bage pe alasen engkai maka terjadi sada kejadin. Bage pe guna ngangkai kejahaten kalak motu ras kebodohen kalak adon.+
26 Enda me si kudat: Si pagiten asangken kematen eme diberu si bagi jaring perburu, si pusuhna bagi jala nelayan, janah tanna bagi rante penjara. Kalak si erban meriah ukur Dibata si benar banci selamat arah ia nari,+ tapi kalak perdosa itangkap diberu e pagi.+
27 Nina Pengerana e,+ “Enda me si kudat. Kupereksa sada per sada guna erban kesimpulen,
28 tapi si kudaram-darami e la kudat. I tengah-tengah seribu manusia, kudat sada dilaki si bujur tapi la kudat sada pe diberu si bujur.
29 Enda me si kudat: Dibata si benar erban manusia bujur+ tapi manusia ikutkenna rencana si ibanna.”+
Cataten i teruh
^ Ntah banci saja “tersinggung tanda kalak motu.”
