Perngandungen 1:1-22
א [Alep]*
1 Mbarenda melala kel penduduk Jerusalem, gundari sisada ia kundul!+
Mbarenda ia si mbelinna i tengah bangsa-bangsa, gundari ia bagi janda!+
Mbarenda ia sekalak putri i antara propinsi-propinsi, gundari ia jadi kalak si kerja paksa!+
ב [Bet]
2 Gedang-gedang berngi tangis ia terkesi-kesi.+ Mamburen iluhna.
Tapi kerina si rate ngena man bana la lit i je guna ngapuli ia.+
Kerina temanna erhianat man bana.+ Imusuhi temanna ia.
ג [Gimel]
3 Juda enggo itaban.+ Rate mesui ia janah iperbudak alu kejam.+
Arus ia tading i tengah bangsa-bangsa si deban.+ La lit datna ketenangen.
Kerina kalak si nyiksa ia, reh sanga ia susah.
ד [Dalet]
4 Dalan-dalan si nuju ku Sion erceda ate, perban la lit si lawes ku perayan.+
Kerina gerbangna itadingken,+ imam-imamna pe mengeluh.
Singuda-ngudana* rate ceda, janah susah kel akap Sion.
ה [He]
5 Gundari ia ikuasai musuh-musuhna, entabeh pergeluh musuh-musuhna.+
Ban Jahwe ia rate ceda perban lakokenna melala pelanggaren.+
Anak-anakna pe itaban musuh-musuhna.+
ו [Waw]
6 Kerina kemulian anak Sion si diberu enggo bene.+
Peminpin-peminpinna bagi rusa jantan si la dat mbalmbal,Erdalan ia janah lanai ergegeh i lebe-lebe kalak si ngayaki ia.
ז [Zayin]
7 Sanga susah akap Jerusalem janah lanai lit inganna tading,Ingetna kerina barangna si merga mbarenda.+
Sanga ndabuh pendudukna ku tan musuhna janah la lit si nampati ia,+Idah musuh-musuhna ia janah tawai* kalak e ia perban enggo ndabuh.+
ח [Het]
8 Lakoken Jerusalem dosa si mbelin.+
E me sebapna ciga ate kalak man bana.
Kerina si mbarenda mehamat man bana, gundari enggo rate ciga man bana, sebap idah kalak e ia tilanjang.+
Nderkuh ia+ janah bunikenna ayona perban melana akapna.
ט [Tet]
9 Melket bajuna.
La ukurina masa depanna.+
Parah kel perdabuhna. La lit si ngapuli ia.
O Jahwe, nenlah kesusahenku, sebap sombong musuh-musuhku.+
י [Yod]
10 Enggo buat musuh-musuhna kerina ertana.+
Enggo idah Jerusalem bangsa-bangsa si deban masuk ku inganna si badia,+Eme bangsa-bangsa si menurut perentahNdu la banci lit i tengah-tengah umatNdu.
כ [Kap]
11 Kerina pendudukna mengeluh, darami kalak e roti.*+
Tukarken kalak e barangna si merga ras pangan, gelah banci tetap nggeluh.
O Jahwe, nenlah. Aku enggo bagi diberu* si la erguna.
ל [Lamed]
12 O kena si lewat arah dalan, biasa saja nge akap kena ngidah si e?
Nenlah!
Lit kin ate mesui bagi si kunanami enda,Si bereken Jahwe man bangku sanga gara rawaNa?+
מ [Mem]
13 PenusurNa api arah langit nari guna nutung kerina tulanku.+
PasangNa jaring guna njerat naheku, paksaNa aku mutar balik.
BanNa aku bagi diberu si itadingken.
Gedang-gedang wari aku sakit.
נ [Nun]
14 Dosa-dosaku iketkenNa alu tanNa bagi pasangen.*
TamakenNa pasangen e ku kudukku emaka bene gegehku.
Serahken Jahwe aku ku tan kalak si la terlawanku.+
ס [Samek]
15 Kernepken Jahwe kerina kalak si megegeh si lit i tengah-tengahku.+
PepulungNa enterem kalak guna ngancurken anak peranaku.+
Perjaki Jahwe singuda-nguda Juda bas ingan meras anggur.+
ע [Ayin]
16 Ngandung aku perban si e kerina,+ mamburen iluhku.
Kalak si banci ngapuli aku ras si mereken semangat man bangku enggo ndauh arah aku nari.
Anak-anakku lanai lit si mperdiatekenca, sebap musuh-musuhku enggo menang.
פ [Pe]
17 Dudurken Sion tanna.+ La lit ise pe si ngapuli ia.
Enggo perentahken Jahwe kerina musuh si lit i sekeliling Jakup guna ngelawan ia.+
Ciga kel ate kalak e man Jerusalem.+
צ [Tsade]
18 Benar kap Jahwe,+ perentahNa kap si kulanggar.+
O kerina bangsa, begikenlah, nenlah kesusahenku.
Singuda-ngudaku* ras anak peranaku enggo itaban.+
ק [Qop]
19 Kulebuh kalak si rate ngena man bangku, tapi hianatina aku.+
Bas kota, peminpin-peminpin ras imam-imamku enggo mateSanga ndarami pangan gelah tetap nggeluh.+
ר [Res]
20 O Jahwe, nenlah, getem kel pusuhku.
Serbut kel ukurku.
Ceda kel pusuhku, sebap aku enggo mberontak.+
I darat lit pedang si erban kernep,+ bas rumah lit kematen.
ש [Syin]
21 Sanga mengeluh aku, kalak si megi aku la ngapuli aku.
Kerina musuhku megi bencana si terjadi bangku.
Meriah ukurna perban Kam si erbanca.+
Tapi bas paksana pagi, banNdu terjadi kai si enggo katakenNdu,+ janah kalak e pe pagi bali bagi aku.+
ת [Taw]
22 Mbera-mbera perdiatekenNdu kerina kejahaten kalak e, janah mberat banNdu hukumen kalak e,+Bagi hukumen si mberat si berekenNdu man bangku perban kerina pelanggarenku.
Sebap lalap aku mengeluh janah ceda kel pusuhku.
Cataten i teruh
^ Pasal 1-4 isina lagu perngandungen si ngikutken abjad Heber, ntah pe bentuk akrostik.
^ Ntah “Diberu si nguda denga.”
^ Ntah “tokohi.”
^ Ntah “pangan.”
^ Gambaren man Jerusalem.
^ Pasangen eme alat si biasa itama ku kuduk manusia ntah pe binatang guna maba baban.
^ Ntah “Diberu si nguda denga.”
