Perngandungen 2:1-22
א [Alep]
2 Kota Sion itutupi Jahwe alu embun rawaNa!
Kejilen Israel enggo benterkenNa langit nari ku doni.+
Sanga merawa Ia, lanai ingetNa ingan naheNa.+
ב [Bet]
2 Kernepken Jahwe ingan tading Jakup janah la ateNa mekuah.
RuntuhkenNa benteng-benteng kota Juda bas rawaNa.+
DabuhkenNa kerajan ras peminpinna+ ku taneh janah terhina ibanNa.+
ג [Gimel]
3 PenggelkenNa kerina gegeh* Israel alu rawaNa si gara.
La sampatiNa kami sanga musuh-musuh nyerang kami.+
RawaNa lalap gara man Jakup bagi api si ngkeriken si lit i sekelilingna.+
ד [Dalet]
4 BengkokkenNa busur panahNa bagi sekalak musuh. Tan kananNa ersikap guna nyerang bagi sekalak imbang.+
Lalap bunuhNa ise pe si penting akap kami.+
RawaNa gara bagi api+ bas kemah kota Sion.+
ה [He]
5 Jahwe enggo bagi musuh.+
KernepkenNa Israel.
KernepkenNa kerina menarana.
KernepkenNa kerina bentengna.
BanNa reh buena ceda ate ras perngandungen bas kota Juda.
ו [Waw]
6 RuntuhkenNa sapo-sapoNa+ bagi sapo bas juma.
PengadiNa perayan-perayanNa.+
Ban Jahwe perayan-perayan bage pe Sabat ilupaken bas Sion,TulakNa raja ras imam i bas rawaNa si gara.+
ז [Zayin]
7 Tulak Jahwe ingan nutung* persembahenNa.
Hina akapNa inganNa si badia.+
SerahkenNa tembok-tembok menarana si erbenteng ku tan musuh.+
Serko kalak e i rumah Jahwe,+ bagi sanga bas wari perayan.
ח [Het]
8 Enggo tetapken Jahwe guna engkernepken tembok kota Sion.+
Enggo pegedangNa nali pengukur.+
La tahanNa tanNa janah kernepkenNa.
Benteng ras tembokNa banNa erceda ate.
Kerinana enggo lanai megegeh.
ט [Tet]
9 Gerbang-gerbangna enggo ndabuh ku taneh.+
HancurkenNa ras penggelkenNa palang-palangna.
Raja ras pejabat-pejabatna lit i tengah bangsa-bangsa si deban.+
Lanai lit undang-undang,* nabi-nabina pe la ndatken pengenehenen* arah Jahwe.+
י [Yod]
10 Peminpin-peminpin kota Sion kundul i taneh.+
Tamakenna abu ku takalna janah pakena kain guni.+
Singuda-nguda Jerusalem mungkuk seh ku taneh.
כ [Kap]
11 Enggo latih mataku perban lalap ngamburken iluh.+
Serbut ukurku.
Getem pusuhku perban anak bangsaku si diberu* enggo ndabuh.+
Sebap anak-anak ras anak bayi pingsan i lapangen kota.+
ל [Lamed]
12 Lalap ning kalak e man mamakna, “Mak, melihe aku, muas aku!”+
Pingsan kalak e i lapangen-lapangen kota bagi kalak si luka parah.
Alu manjar-anjar mate kalak e bas dakepen mamakna.
מ [Mem]
13 O kota Jerusalem,Contoh kai nge si banci kubere man bandu?
O kota Sion, ras kai nge kam banci kupeseri, gelah banci kuapuli?
Sebap lukandu bagi laut galangna.+ Ise si banci mpepalem kam?+
נ [Nun]
14 Pengenehenen si ipeseh nabi-nabindu e, la tuhu janah la erguna,+La kataken kalak e salahndu, alu bage la ambatina kam itaban.+
Tapi lalap ceritaken kalak e pengenehenen palsu si erban kam papak.+
ס [Samek]
15 Kerina kalak si lewat bas dalan, tepuk tan pagi guna nokohi kam.+
Tokohina+ janah geleng-geleng kepala kalak e man kota Jerusalem, janah nina,
“Enda kin kota si ‘sempurna jilena’ ras ‘keriahen man sebelang doni’?”+
פ [Pe]
16 Kerina musuhndu nokohi kam.
Tokohina kam janahna ngkarat ipenna, nina, “Enggo bendut kami ia.+
Enda kap wari si itimai kami.+ Wari e enggo seh, janah idah kami terjadi!”+
ע [Ayin]
17 Enggo lakoken Jahwe rencanaNa.+ LakokenNa kai si enggo katakenNa,+Eme kai si mbarenda nari enggo tetapkenNa.+
RuntuhkenNa janah la ateNa mekuah.+
BanNa kam italuken musuh-musuhndu janah meriah ukur kalak e. PebelinNa gegeh* musuh-musuhndu.
צ [Tsade]
18 O tembok kota Sion, pusuh kalak e erlebuh man Jahwe.
Pediatlah iluhndu maler suari ras berngi bagi lau maler.
Ula pediat matandu ngadi ngamburken iluh.
ק [Qop]
19 Kekeken! Erlebuhlah paksa berngi, bas awal giliren jaga.
Turiken isi pusuhndu bagi lau maler man Jahwe.
Angkat tanndu guna notoken kesah anak-anaknduSi pingsan bas dalan-dalan perban kelihen.+
ר [Res]
20 O Jahwe, nenlah umat si hukumNdu alu kejam enda.
Arus kin lalap pan diberu anak-anakna, eme anak si lahirkenna?+
Janah arus kin imam ras nabi ibunuh bas ingan si badia Jahwe?+
ש [Syin]
21 Mayat anak-anak dilaki ras dilaki si enggo metua amparen bas dalan-dalan.+
Singuda-nguda* ras anak perana mate perban pedang.+
BunuhNdu kalak e bas wari rawaNdu, bunuhiNdu kalak e janah la ateNdu mekuah.+
ת [Taw]
22 UndangNdu kerina si erban aku mbiar guna reh ku sekelilingku, tempa-tempa e wari perayan.+
Bas wari rawa Jahwe, la lit sekalak pe si banci pulah ntah pe selamat.+
Anak-anak si kulahirken ras si kupebelin enggo ibunuh musuh.+
Cataten i teruh
^ As. “tanduk.”
^ Eme kerna kai pe si cidahken Dibata ku bas pikiren sekalak jelma.
^ Ntah “petunjuk.”
^ Enda perumpaman si mungkin ncidahken perkuah ate ntah pe ermediate.
^ As. “tanduk.”
^ Ntah “Diberu si nguda denga.”
