Perngandungen 4:1-22
א [Alep]
4 Emas si murni ras emas si erndilap enggo magem!*+
Batu-batu arah ingan si badia+ merapen bas dalan-dalan!+
ב [Bet]
2 Anak-anak Sion si dilaki si ianggap penting, si ergana bagi emas murni,Enggo ianggap bagi kudin taneh,Si iban tukang kudin taneh!
ג [Gimel]
3 Biang kerangen pe pepinemna anakna,Tapi anak bangsaku si diberu kejam+ bagi burung unta i taneh mesawang.*+
ד [Dalet]
4 Anak-anak bayi muas seh ngasa dilahna leket ku langit-langit babahna.
Anak-anak mindo-mindo roti,+ tapi la lit si merekenca.+
ה [He]
5 Kalak si biasana entabeh panganna, ampar kelihen i dalan-dalan.+
Kalak si kitik-kitikna nari biasa make baju si merga,+ gundari arus medem i datas gun-gunen abu.
ו [Waw]
6 Hukumen man* bangsaku belinen asangken hukumen man Sodom,+Si ihancurken bas sengkemirep mata janah la lit si mereken penampat.+
ז [Zayin]
7 Mbarenda, kalak Nasir+ si lit ras kam bersihen asangken salju janah bentaren asangken susu.
Mbarenda kalak e garan asangken batu si merga arah laut nari* janah bagi batu sapir si erndilap.
ח [Het]
8 Gundari, kalak e gelapen asangken arang.*
Kalak e lanai itandai bas dalan-dalan.
Kulit si mbaluti tulan kalak e+ enggo ringut bagi ranting si kerah.
ט [Tet]
9 Ulin mate perban pedang asangken mate perban kelihen,+Sebap kalak si kurang pangan reh dekahna reh lemahna janah dungna mate.
י [Yod]
10 Diberu-diberu si mbarenda rate mekuah, enggo belgangna anak-anakna.+
Anak-anak e jadi pangan kalak e sanga hancur anak bangsaku si diberu.+
כ [Kap]
11 Cidahken Jahwe rawaNa.
AmburkenNa rawaNa si gara.+
PegaraNa api i Sion, si erban keri pondasi-pondasina.+
ל [Lamed]
12 Raja-raja i doni ras kerina penduduk doni la tekMaka masuk pagi imbang ras musuh ku gerbang-gerbang Jerusalem.+
מ [Mem]
13 Kerina e terjadi perban dosa nabi-nabina ras kesalahen imam-imamna,+Si ngamburken dareh kalak si benar i tengah-tengah kalak e.+
נ [Nun]
14 Erdalan kalak e ku jah ku je bagi kalak pentang+ i dalan-dalan.
Melket kalak e perban dareh,+Emaka sada pe la nggit ngkuit baju kalak e.
ס [Samek]
15 Sergangi kalak me kalak e, nina, “Ku jah kam! Najis! Ku jah kam! Najis! Ula kuitndu kami!”
Lanai lit rumah kalak e janah mampa-mampa kalak e.
Bangsa-bangsa si deban ngataken, “Kalak e la banci tading i jenda radu ras kita.*+
פ [Pe]
16 Enggo ban Jahwe kalak e merap.+
Lanai pagi meriah ukurNa ngidah kalak e.
Lanai pagi hamati kalak e imam-imam+ janah segat atena peminpin-peminpin.”+
ע [Ayin]
17 Gundari pe enggo latih akap kami ngidah penampat si la reh-reh.+
Lalap darami kami penampat arah bangsa si la banci nampati kami.+
צ [Tsade]
18 Lalap ayak-ayak kalak e+ kami, emaka la banci kami erdalan bas lapangen-lapangen kami.
Enggo nandangi seh kedungen geluh kami. Wari-wari kami enggo nandangi keri, janah nandangi mate kami.
ק [Qop]
19 Si ngayak-ngayak kami teren asangken kuliki i langit.+
Ayaki kalak e kami i gunung-gunung, sergap kalak e kami i taneh mesawang.*
ר [Res]
20 Kalak si lantik Jahwe+ si bali ras kesah kami, ning kami kerna ia, “Nggeluh kami i tengah bangsa-bangsa, perban lindungina kami.”
Tapi ia enggo itangkap bas lubang kalak e si galang.+
ש [Sin]
21 O penduduk Edom+ si tading i negri Us, ersuraklah janah ermeriah ukurlah.
Tapi calung* enda pe ibereken pagi man bandu,+ mabuk pagi kam janah itilanjangi pagi kam.+
ת [Taw]
22 O kota Sion, enggo dung hukumen perban kesalahenndu.
Lanai pagi babaNa kam guna itaban.+
Tapi kam o penduduk Edom, perdiatekenNa pagi kesalahenndu.
CidahkenNa pagi dosa-dosandu.+
Cataten i teruh
^ Ntah “pudar.”
^ Taneh si mbelang si jarang iingani.
^ As. “Kesalahen.”
^ Batu si merga e maksudna koral.
^ As. “si mbiring.”
^ Ntah “tading i jenda jadi kalak asing.”
^ Taneh si mbelang si jarang iingani.
^ Ntah “cangkir.”
