Perngandungen 5:1-22
5 O Jahwe, ingetlah kai si enggo terjadi man kami.
Nenlah janah tatap min keadan kami si terhina.+
2 Warisen kami enggo ibereken man kalak si la itandai, janah rumah kami ibere man kalak asing.+
3 Kami jadi anak melumang, lanai lit bapak kami. Mamak kami bagi janda.+
4 Amin pe kami si mpuna lau inemen ras ranting,+ tapi arus kami nukur.
5 Hampir kami itangkap kalak si ngayaki kami.
Latih akap kami tapi la banci kami ngadi.+
6 Guna ndatken pangan,* arus kami mindo man Mesir+ ras Assur.+
7 Nini bulang kami si erdosa enggo lanai lit, tapi arus tanggung kami kesalahen kalak e.
8 Pelayan-pelayan enggo erkuasa nandangi kami. La lit si mulahi kami arah tan kalak e.
9 Pertaruhken kami kesah kami guna ndatken pangan,*+ sebap lit kalak si maba pedang i taneh mesawang.*
10 Perban lihena, kulit kami enggo melas bagi tungku.+
11 Ndehara-ndehara i Sion iperkosa, bage pe singuda-nguda si lit bas kota Juda.+
12 Tan pejabat-pejabat iiket jenari igantung,+ janah peminpin-peminpin la ihamati.+
13 Anak-anak perana ngangkat batu penggilingen, janah anak-anak si dilaki ndabuh perban beratna kayu si babana.
14 Lanai lit kalak si enggo metua i gerbang kota.+ Lanai lit anak muda si main musik.+
15 Lanai lit keriahen ukur bas pusuh kami. Perlandek kami enggo berubah jadi ate ceda.+
16 Mahkota kami enggo ndabuh arah takal kami. Cilaka kel kami, sebap kami enggo erdosa!
17 E me sebapna mesui pusuh kami,+Janah e me si erban kabur mata kami.+
18 Perban gundari Gunung Sion enggo itadingken,+ biang kerangen gawah-gawah i je.
19 Tapi Kam o Jahwe, Kam ertahta seh rasa lalap.
TahtaNdu lit arah jaman ku jaman.+
20 Engkai maka lupakenNdu kami janah ndekah kel tadingkenNdu kami?+
21 O Jahwe, baba min kami mulih man baNdu gelah mis pagi kami mulih.+
Ban min kerina mulihi bagi si mbarenda.+
22 Tapi, enggo tuhu-tuhu tulakNdu kami.
Lalap gara rawaNdu man kami.+
