Pilipi 3:1-21
3 Emaka o turang senina, teruslah kena ermeriah ukur perban Tuhan.*+ Labo kuakap dalih ngulihisa kai si enggo kutulis man kena. Enda guna kiniulin kena.
2 Hati-hatilah man kalak si bali bagi biang. Hati-hatilah man kalak jahat. Hati-hatilah man kalak si atena gelah kena isunat.*+
3 Kita kap si enggo tuhu-tuhu isunat,+ perban kita ngelakoken pelayanen si badia alu penampat kesah si badia Dibata, bangga kita perban Kristus Jesus,+ labo perban kai si lit bas manusia.
4 Adi bandingken ras kerina manusia, lit alasenku bangga kerna kai si lit bas manusia.
Adi lit kalak si bangga kerna kai si lit bas ia, buen alasenku guna bangga:
5 Aku isunat bas wari pewaluhken,+ aku keturunen Israel arah suku Benyamin nari, aku kalak Heber janah orang tuaku pe kalak Heber.+ Menurut undang-undang aku kalak Parisi.+
6 Semangat kel aku nyiksa runggun+ janah la lit si salah si kulakoken menurut undang-undang.
7 Tapi perban Kristus, kerina si mbarenda kuakap mereken keuntungen, gundari enggo ngerugiken kuakap.*+
8 Perban merga kel kuakap pemeteh kerna Kristus Jesus Tuanku, dungna kerinana enggo kuanggap ngerugiken. Guna ia enggo kutadingken kerinana janah kuanggap e sampah gelah banci aku rembak ras Kristus.*
9 Janah banci aku itandai selaku kalak si ersada ras ia, labo perban kudalanken Undang-Undang Musa tapi perban erkiniteken+ aku man Kristus,+ e me sebapna kataken Dibata aku kalak si benar.+
10 Ateku min kuteh kerna Kristus, kerna kuasa si mpekeke ia,+ janah kunanami ateku kiniseran+ bagi ia ras mate bagi ia.+
11 Kulakoken si e gelah lit kesempatenku ipekeke bas kekeken si pertama arah si mate nari.+
12 Labo kukataken maka enggo kudat hadiah e ntah pe enggo jadi sempurna. Tapi terus kuusahaken ndatkenca,+ sebap Kristus Jesus enggo milih aku guna ngalokenca.+
13 O turang senina, situhuna labo kuakap enggo kudat hadiah e, tapi si kulakoken eme ngelupaken kai si arah pudiku+ janah kupala-palai ngayaki kai si arah lebe,+
14 alu bage banci terus kuayaki tujun e guna ndatken hadiah+ bas Dibata nari, eme idilo guna nggeluh i surga+ arah Kristus Jesus.
15 Emaka kita si paguh kinitekenna+ bage min perukuren ras perbahanenta. Adi la bage perukuren kena, Dibata si ngatakenca man kena kerna perbahanen si benar.
16 Si pentingna, teruslah sipepaguh kinitekenta bagi si enggo silakoken sedekah enda.
17 O turang senina, teruslah usih kena aku,+ perdiatekenlah kalak si nggeluh menurut usihen si enggo bereken kami.
18 Enterem kalak si la ergaina kematen Kristus bas tiang siksan.* Enggo rusur kucakapken kerna kalak e janah gundari pe kucakapken ka janahku ngandung.
19 Jadiken kalak e beltekna dibatana, bangga ia man kai si arusna erban ia mela, janah kerna doni saja ngenca si ukurina. Kalak si bagenda ikernepken pagi.+
20 Kita warga negara+ surga kap,+ janah sangana sitimai kel juru selamat si lit bas surga, eme Tuan Jesus Kristus.+
21 Alu kuasana si mbelin, ubahna dagingta si lemah jadi mulia bagi ia,+ janah banna kerinana patuh man bana.+
Cataten i teruh
^ As. “si motong daging.”
^ Ntah banci saja “enggo kutadingken alu meriah ukur.”
^ As. “banci kudatken Kristus,” eme ngaloken pasu-pasu selaku pengikut Kristus.
