Roma 10:1-21
10 O turang senina, sura-sura pusuhku ras si kutotoken kel man Dibata gelah iselamatken min bangsaku.+
2 Pang aku ngatakenca kalak e tuhu-tuhu semangat nembah Dibata,+ tapi semangatna e la sesuai ras pemeteh si benar.
3 La teh kalak e kai si erbanca sekalak jelma benar i lebe-lebe Dibata.+ Usahaken kalak e mbuktiken dirina benar,+ tapi la lakokenna kai si erbanca sekalak jelma benar i lebe-lebe Dibata.+
4 Enggo ban Kristus Undang-Undang Musa lanai erkuasa.+ Emaka kerina kalak si erkiniteken banci ikataken benar.+
5 Pernah tulis Musa kerna kalak si kataken benar menurut Undang-Undang Musa, “Kalak si ndalanken undang-undang e, nggeluh perban undang-undang e.”+
6 Tapi nina Kitap si Badia kerna kalak si ikataken benar perban erkiniteken, “Ula kataken kena bas pusuh kena,+ ‘Ise pagi si nangkih ku surga?’+ maksudna guna maba Kristus nusur,
7 ntah, ‘Ise pagi si nusur ku lubang si seh kel bagesna?’*+ maksudna guna maba Kristus ndarat arah si mate nari.”
8 Kai nari si kataken Kitap si Badia? “Kata-kata e seh kel deherna ras kena, eme bas babah kena ras bas pusuh kena.”+ Maksudna, “kata” kiniteken, si sangana siberitaken.
9 Adi kataken kena i lebe-lebe jelma si enterem maka Jesus e Tuan,+ janah erkiniteken kena bas pusuh kena nari maka Jesus enggo ipekeke Dibata bas si mate nari, iselamatken me kena.
10 Kiniteken bas pusuh kena si erban kena ikataken benar, tapi adi cakapken kena kiniteken i lebe-lebe jelma si enterem+ si e erban kena selamat.
11 Sebap lit ayat ngataken, “Ise pe si erkiniteken man bana, labo pernah ikecewaken.”+
12 Labo lit bedana kalak Jahudi ras kalak Junani.+ Seri nge kerina Tuhanna,* eme si nggit kel mere man kerina kalak si erlebuh man baNa.
13 Sebap, “Ise pe si erlebuh man gelar Jahwe,* iselamatken pagi.”+
14 Tapi uga kalak banci erlebuh man baNa adi lenga ia erkiniteken man baNa? Uga kalak banci erkiniteken man baNa adi lenga pernah begina kerna Ia? Uga banci begina adi la lit si mberitakenca?
15 Banci kin lit si mberitakenca adi la lit si nuruhsa?+ Lit kap tertulis, “Seh kel riahna ukur ngidah* kalak si mpeseh berita si meriah!”+
16 Amin pe bage, labo kerina kalak ngaloken berita si meriah. Sebap pernah tulis Jesaya, “O Jahwe,* ise kin si erkiniteken man berita si ipeseh kami e?”+
17 Situhuna, kenca megi berita e maka banci kalak erkiniteken,+ berita e begina sanga lit kalak si mberitakenca kerna Kristus.
18 Tapi nungkun aku kerna Israel, “Lenga kin begi kalak e?” La mungkin, sebap lit tertulis, “Kerina kalak i belang-belang doni bage pe i ujung-ujung doni enggo megi berita e.”+
19 Tapi nungkun aku, “Lenga kin teh Israel?”+ Pasti tehna. Tangtangna, peseh Musa kata-kata Dibata, nina, “Kuban kena cemburu perban bangsa si deban. Kuban kena merawa perban sada bangsa si bodoh.”+
20 Pang kel Jesaya mpeseh kata-kata Dibata, nina, “Kalak si la ndarami Aku, datna pagi Aku.+ Kalak si la nungkun kerna Aku, tandaina pagi Aku.”+
21 Tapi kerna Israel, peseh Jesaya kata-kata Dibata, nina, “Gedang-gedang wari Kududurken tanKu man bangsa si la patuh ras si keras kepala.”+
Cataten i teruh
^ As. “Seh kel jilena nahe.”
