Sakaria 10:1-12
10 “Pindolah man Jahwe gelah penusurNa udan bas musim semi.*
Jahwe kap si erban embun si lit lenggurna ras kilapna,Si mpenusur udan man manusia,+Si mereken sinuan-sinuan bas juma man kerina jelma.
2 Sebap kai si kataken patung-patung berhala* e tipun* kap,Pengenehenen arah peramal-peramal e labo tuhu.
Ceritaken kalak e nipi si la lit ertina,Usahaken kalak e ngapuli tapi sia-sia.
E me sebapna mampa-mampa kalak e bagi biri-biri.
Rate mesui kalak e perban la lit permakanna.
3 Merawa kel Aku man permakan-permakan,Kuhukum pagi peminpin-peminpin si nggit nindas,*Sebap Jahwe penguasa malekat enggo mperdiateken Juda si bagi rarasenNa,+BanNa kalak e bagi kuda perangNa si megegeh.
4 Reh pagi sekalak peminpin arah kalak e nari,Reh pagi sekalak penguasa si mereken dukungen arah kalak e,Reh pagi arah kalak e panah si ipake bas perang,Reh pagi tiap pengawas arah kalak e. Kerina e reh pagi arah kalak e.
5 Bali pagi kalak e ras prajurit si megegeh,Perjaki kalak e pagi dalan si erkubang sanga erperang.
Erperang pagi kalak e, sebap Jahwe ras kalak e.+
Si nangkih kuda pe ipermelaken pagi.+
6 Kuban pagi kalak Juda gegehen asangken si deban,Kuselamatken pagi keturunen Jusup.+
Kubaba pagi kalak e mulih,Sebap mekuah pagi ateKu kalak e.+
Tempa-tempa la pernah Kutulak kalak e,+Sebap Aku kap Jahwe Dibata kalak e, Kualoi pagi kalak e.
7 Kalak Eperaim bali pagi bagi prajurit si megegeh,Meriah pagi ukur kalak e bagi kalak si minem anggur.+
Idah anak-anak kalak e pagi si e janah meriah ukurna,Pusuh kalak e ermeriah ukur pagi perban Jahwe.+
8 ‘Ersiul pagi Aku ngelebuh kalak e gelah pulung,Sebap Kutebus pagi kalak e+ janah reh teremna kalak e,Lalap reh teremna.
9 Amin pe Kumerapken kalak e bagi benih ku tengah bangsa-bangsa,Inget kalak e pagi Aku arah ingan-ingan si ndauh nari.
Mulih pagi kalak e, mulihi kalak e semangat radu ras anak-anakna.
10 Kubaba pagi kalak e mulih arah Mesir nari,Kupepulung kalak e arah Assur.+
Kubaba pagi kalak e ku Gileat+ ras Libanon,Tapi ingan-ingan e pe la bias man ingan kalak e.+
11 Sanga halangi laut kalak e,Kulewati pagi laut e, Kupekpek ombak-ombakna,+Sanga halangi Lau Nil kalak e, Kukerahken pagi lau e.
Kudabuhken pagi kesombongen Assur,Kukernepken tongkat kekuasan Mesir.+
12 Aku Jahwe, Kuban pagi kalak e gegehen asangken si deban,+Perbahanen kalak e erban gelarKu imuliaken,’+ nina Jahwe.”
Cataten i teruh
^ Ntah “dewa-dewa keluarga.” As. “terapim.”
^ Ntah “ilmu sihir.”
^ Ntah “si bagi kambing.”